ഇന്ന് ഗോവയിലെ ജവഹർലാൽ നെഹ്റു സ്റ്റേഡിയത്തിൽ നടക്കുന്ന നിർണായക ഇന്ത്യൻ സൂപ്പർ ലീഗ് (ഐഎസ്എൽ) മത്സരത്തിൽ എഫ്സി ഗോവ കേരള ബ്ലാസ്റ്റേഴ്സ് എഫ്സിയെ നേരിടും. ഗോവ ഇതിനകം പ്ലേഓഫ് സ്ഥാനം ഉറപ്പിച്ചിട്ടുണ്ടെങ്കിലും, 20 മത്സരങ്ങളിൽ നിന്ന് 39 പോയിന്റുമായി രണ്ടാം സ്ഥാനത്തുള്ള അവർ ആ സ്ഥാനം നിലനിർത്താനുള്ള ശ്രമത്തിലാണ്.
കഴിഞ്ഞ അഞ്ച് മത്സരങ്ങളിൽ നാലെണ്ണത്തിൽ വിജയിച്ച ഗോവ മികച്ച ഫോമിലാണ്.
മറുവശത്ത്, കേരള ബ്ലാസ്റ്റേഴ്സ് എഫ്സി പ്രതിസന്ധിയിലാണ്. 20 മത്സരങ്ങളിൽ നിന്ന് 24 പോയിന്റുമായി എട്ടാം സ്ഥാനത്താണ് അവർ. നാല് മത്സരങ്ങൾ മാത്രം ശേഷിക്കെ വിജയമല്ലാത്ത എന്ത് ഫലമായാലും ബ്ലാസ്റ്റേഴ്സിന്റെ പ്ലേ ഓഫ് പ്രതീക്ഷകൾ കണക്കിൽ പോലും അവശേഷിക്കില്ല.
രാത്രി 7.30ന് നടക്കുന്ന മത്സരം സ്റ്റാർ സ്പോർട്സിലും ജിയോ ഹോട്സ്റ്റാറിലും കാണാം.