ചെൽസി മധ്യനിര താരം കാന്റെ കളത്തിൽ തിരികെയെത്താൻ ഇനിയും മാസങ്ങൾ എടുക്കും. കാന്റെയുടെ പരിക്ക് ഭേദമായിട്ടില്ല എന്നും താരം തിരികെയെത്താൻ ഫെബ്രുവരിയോ മാർച്ചോ ആകാൻ സാധ്യത ഉണ്ട് എന്നും ഇന്നലെ ചെൽസി പരിശീലകൻ പോട്ടർ പറഞ്ഞു. ഈ സീസൺ തുടക്കത്തിൽ സ്പർസിന് എതിരായ മത്സരത്തിൽ ആയിരുന്നു കാന്റെക്ക് പരിക്കേറ്റത്. സീസണിൽ ആകെ 2 മത്സരങ്ങൾ ആണ് താരം കളിച്ചത്. ലോകകപ്പും കാന്റെക്ക് പരിക്ക് കാരണം നഷ്ടമായിരുന്നു.
റൂബൻ ലോഫ്റ്റസ്-ചീക്ക്, വെസ്ലി ഫൊഫാന, ബെൻ ചിൽവെൽ എന്നിവരും ചെൽസി ടീമിൽ പരിക്ക് കാരണം പുറത്താണ്. ലോകകപ്പ് കളിച്ചു വരുന്ന മാറ്റിയോ കൊവാചിച്, ഹക്കിം സിയെച്ച് എന്നിവരും ചെൽസിയുടെ അടുത്ത മത്സരത്തിൽ ഉണ്ടാകില്ല.