ഏഷ്യൻ കപ്പിൽ ജോർദാൻ ഫൈനലിൽ. ഇന്ന് നടന്ന ആദ്യ സെമി ഫൈനലിൽ ശക്തരായ കൊറിയയെ ഞെട്ടിച്ചാണ് ജോർദാൻ ഫൈനലിലേക്ക് മുന്നേറിയത്. എതിരില്ലാത്ത രണ്ടു ഗോളുകൾക്ക് ആയിരുന്നു ജോർദന്റെ വിജയം. ഇന്ന് ആദ്യ പകുതിയിൽ ഗോളൊന്നും പിറന്നില്ല. രണ്ടാം പകുതിയുടെ തുടക്കത്തിൽ തന്നെ ജോർദൻ ലീഡ് എടുത്തു.
53ആം മിനുട്ടിൽ അൽ നൈമതിലൂടെ ആയിരുന്നു ജോർദന്റെ ആദ്യ ഗോൾ. 66ആം മിനുട്ടിൽ അൽ തമാരിയുടെ മികവ് ജോർദന് ലീഡ് ഇരട്ടിയാക്കി നൽകി. 2-0. ഇതിൽ നിന്ന് കരകയറാൻ ദക്ഷിണ കൊറിയക്ക് ആയില്ല. രണ്ടാം സെമി ഫൈനലിൽ ഇറാനും ഖത്തറും ആണ് പോരാടുന്നത്. ആ മത്സരത്തിലെ വിജയികളെ ആകും ജോർദൻ ഫൈനലിൽ നേരിടുക.