മലയാളി താരം ജിതിൻ എം എസ് നോർത്ത് ഈസ്റ്റ് യുണൈറ്റഡിൽ തുടരും. 2028 വരെ നീണ്ടു നിൽക്കുന്ന കരാർ ജിതിൻ ഒപ്പുവെച്ചതായി ക്ലബ് ഇന്ന് സ്ഥിരീകരിച്ചു. അവസാന മൂന്ന് സീസണായി ജിതിൻ നോർത്ത് ഈസ്റ്റിനൊപ്പം ഉണ്ട്. കഴിഞ്ഞ സീസണിൽ 5 അസിസ്റ്റും 2 ഗോളും താരം ഐ എസ് എല്ലിൽ നേടിയിരുന്നു.
മുമ്പ് ഗോകുലത്തിന് ആയി കളിച്ചിട്ടുള്ള താരമാണ് ജിതിൻ എം എസ്. രണ്ട് തവണ ജിതിൻ അവർക്ക് ഒപ്പം ഐ ലീഗ് കിരീടവും നേടിയിട്ടുണ്ട്. മുമ്പ് കേരള ബ്ലാസ്റ്റേഴ്സ് ജേഴ്സിയും അണിഞ്ഞിട്ടുണ്ട്.
2017-18 സീസണിൽ കേരളം സന്തോഷ് ട്രോഫി കിരീടം നേടിയപ്പോൾ കേരള ടീമിന്റെ ടോപ്പ് സ്കോറർ ആയിരുന്നു ജിതിൻ എം എസ്. 2017-18ലെ സന്തോഷ് ട്രോഫിയിൽ ഫൈനലിലെ ഗോൾ അടക്കം 5 ഗോളുകൾ ജിതിൻ എം എസ് നേടിയിരുന്നു.