ഇന്ത്യൻ വനിതാ ലീഗിൽ ലോർഡ്സ് എഫ് എയും വിജയത്തോടെ തുടങ്ങി. ഇന്ന് ഗ്രൂപ്പ് ബിയിൽ നടന്ന തങ്ങളുടെ ആദ്യ മത്സരത്തിൽ കേരള വനിതാ ലീഗ് ചാമ്പ്യന്മാർ സെൽറ്റിക് ക്വീൻസിനെ എതിരില്ലാത്ത നാലു ഗോളുകൾക്ക് തോൽപ്പിച്ചു. ഫിലിപ്പീൻസ് താരം കാമിലെ റോഡ്രിഗ്സ് ഹാട്രിക്കുമായി തിളങ്ങി. 53, 62, 93 മിനുട്ടുകളിൽ ആയിരുന്നു കാമിലെയുടെ ഗോളുകൾ. ഫ്രാഗ്റൻസി ആയിരുന്നു മറ്റൊരു ഗോൾ സ്കോറർ.
ഏപ്രിൽ 30ന് നടക്കുന്ന അടുത്ത മത്സരത്തിൽ ലോർഡ്സ് എഫ് എ സേതു എഫ് സിയെ നേരിടും. ഇന്ന് രാവിലെ നടന്ന മറ്റൊരു മത്സരത്തിൽ ഈസ്റ്റേൺ സ്പോർടിങ് യൂണിയൻ കിക്ക് സ്റ്റാർടിനെ എതിരില്ലാത്ത ഒരു ഗോളിനും തോൽപ്പിച്ചു.