വിശാൽ കെയ്ത് ഇനി എ ടി കെ മോഹൻ ബഗാനൊപ്പം

Img 20220611 134513

പുതിയ സീസണായി ടീം ശക്തമാക്കാൻ ശ്രമിക്കുന്ന എ ടി കെ മോഹൻ ബഗാൻ ഒരു പുതിയ ഗോൾ കീപ്പറെ സ്വന്തമാക്കി. ചെന്നൈയിന്റെ ഗോൾ കീപ്പറായിരുന്ന വിശാൽ കെയ്തിനെ ആണ് മോഹൻ ബഗാൻ സൈൻ ചെയ്തത്. ഫ്രീ ഏജന്റായിരുന്ന വിശാൽ രണ്ട് വർഷത്തെ കരാർ ആണ് ഒപ്പുവെച്ചത്. ഈ കഴിഞ്ഞ സീസണോടെ വിശാലിന്റെ ചെന്നൈയിനുമായുള്ള കരാർ അവസാനിച്ചിരുന്നു.
20220611 134400
2019 മുതൽ ചെന്നൈയിനൊപ്പം ഉള്ള താരമാണ് വിശാൽ. കഴിഞ്ഞ സീസണിൽ താരം ആകെ 9 മത്സരങ്ങൾ മാത്രമെ കളിച്ചിരുന്നുള്ളൂ. പൂനെ സിറ്റിയുടെ ഗോൾകീപ്പർ ആയിരുന്ന കെയ്ത് ആ ക്ലബ് ഇല്ലാതായതോടെയാണ് ചെന്നൈയിനിലേക്ക് എത്തിയത്. മുമ്പ് ഷില്ലോങ്ങ് ലജോങ്ങിന്റെ വല കാത്തുകൊണ്ടാണ് വിഷാൽ കെയ്ത് ഫുട്ബോൾ ലോകത്തിന്റെ ശ്രദ്ധ നേടിയത്. ഹിമാചൽ പ്രദേശ് സ്വദേശിയായ വിശാൽ എ ഐ എഫ് എഫ് എലൈറ്റ് അക്കാദമിയിലൂടെ വളർന്നു വന്ന താരമാണ്. മുമ്പ് ഇന്ത്യൻ അണ്ടർ 23 ടീമിന്റെ വല കാത്തിട്ടുണ്ട്.

Previous articleറഫീനക്ക് ആയി ആഴ്സണലും രംഗത്ത്
Next articleഅയ്യര്‍ പേസ് ബൗളര്‍മാര്‍ക്കെതിരെയുള്ള തന്റെ റൺ സ്കോറിംഗ് മെച്ചപ്പെടുത്തണം – വസീം ജാഫര്‍