കേരള ബ്ലാസ്റ്റേഴ്സ് താരം വിബിൻ മോഹനന് ഗ്രീസിൽ അരങ്ങേറ്റം

കേരള ബ്ലാസ്റ്റേഴ്സ് യുവതാരം വിബിൻ മോഹനൻ ഗ്രീസിൽ തന്റെ അരങ്ങേറ്റം നടത്തി. താരം ഗ്രീക്ക് ഫസ്റ്റ് ഡിവിഷൻ ക്ലബ്ബ് OFI ക്രീറ്റിന് ഒപ്പം ഇന്നലെ പ്രീസീസൺ മത്സരത്തിൽ ഇറങ്ങി. ഇന്നെ ക്രീറ്റ് ഡച്ച് ഫസ്റ്റ് ഡിവിഷൻ ക്ലബായ എസ് സി ഹീരെന്വെനെ ആയിരുന്നു നേരിട്ടത്ത്. മത്സരത്തിന്റെ 77ആം മിനുട്ടിൽ സബ്ബായാണ് വിബിൻ കളത്തിൽ ഇറങ്ങിയത്. കേരള ബ്ലാസ്റ്റേഴ്സ് സ്പോർടിങ് ഡയറക്ടർ കരോലിസ് സ്കിങ്കിസ് മത്സരത്തിന് സാക്ഷിയായി.

ഒരു മാസത്തെ പരിശീലനത്തിനായാണ് വിബിൻ എത്തിയത്. OFI ക്രീറ്റ് ഗ്രീസിലെ പ്രധാന ക്ലബ്ബുകളിലൊന്നാണ്. അവർക്ക് ഒപ്പം പ്രീ-സീസണിൽ മത്സരങ്ങളിൽ ഇനിയും വിബിന് കളിക്കാൻ ആകും‌. വിബിൻ ഇപ്പോൾ ക്രീറ്റിന്റെ ഫസ്റ്റ് ടീമിനൊപ്പം ആൺ പരിശീലനം നടത്തുന്നത്‌‌.20-കാരൻ ഗ്രീക്ക് ടീമിനൊപ്പം ഒരു മാസം പരിശീലനം നടത്തും.