അണ്ടർ 17 ലോകകപ്പിൽ ഇന്ത്യക്ക് വേണ്ടി കളിക്കുകയും ഇന്ത്യക്ക് വേണ്ടി ചരിത്രത്തിൽ ആദ്യമായി ലോകകപ്പ് ഗോൾ നേടുകയും ചെയ്ത ജീക്സൺ സിംഗിനെ സ്വന്തമാക്കി കേരള ബ്ലാസ്റ്റേഴ്‌സ്. താരത്തെ കേരള ബ്ലാസ്റ്റേഴ്‌സ് സ്വാന്തമാക്കിയെന്ന് ഗോൾ.കോം ആണ് റിപ്പോർട്ട് ചെയ്തത്. ഡിഫെൻസിവ് മിഡ്‌ഫീൽഡർ സ്ഥാനത്തതാണ് ജെക്സൺ കളിക്കുന്നത്.
ഇന്ത്യയുടെ ലോകകപ്പ് ഫുട്ബോൾ ചരിത്രത്തിൽ ആദ്യമായി ഗോൾ നേടിയ താരമാണ് ജെക്സൺ. കൊളംബിയക്കെതിരെയാണ് അണ്ടർ 17 ലോകകപ്പിൽ ജെക്സൺ ഗോൾ നേടിയത്. മിനർവ താരമായിരുന്ന ജീക്സൺ ലോൺ അടിസ്ഥാനത്തിൽ ഇന്ത്യൻ ആരോസിൽ ആയിരുന്നു കളിച്ചിരുന്നത്. അതെ സമയം കേരള ബ്ലാസ്റ്റേഴ്സും താരത്തെ ഈ സീസണിൽ ലോൺ അടിസ്ഥാനത്തിൽ ഇന്ത്യൻ ആരോസിലേക്ക് തന്നെ അയക്കും.
മണിപ്പൂർ സ്വദേശിയായ ജെക്സൺ പഞ്ചാബിലാണ് ഫുട്ബോൾ ജീവിതം തുടങ്ങിയത്. ചണ്ഡീഗഡ് ഫുട്ബോൾ അക്കാദമിയിലൂടെ വളർന്ന താരം അവസാനം പഞ്ചാബിൽ നിന്നുള്ള മിനർവയിൽ എത്തിപെടുകയായിരുന്നു. ജെക്സൺ ഇപ്പോൾ ഇന്ത്യൻ അണ്ടർ 19 ടീമിന്റെ കൂടെ സെർബിയയിലാണ്.
