യുവതാരം ഹുയ്ഡ്രോം തോയ് സിങ്ങിന്റെ സൈനിംഗ് നോർത്ത് ഈസ്റ്റ് യുണൈറ്റഡ് പ്രഖ്യാപിച്ചു. മണിപ്പൂരിൽ ജനിച്ച ഈ മിഡ്ഫീൽഡർ ബെംഗളൂരു എഫ് സി വിട്ടാണ് നോർത്ത് ഈസ്റ്റിലേക്ക് എത്തുന്നത്. തോയ് റിലയൻസ് ഫൗണ്ടേഷൻ യംഗ് ചാംപ്സ് അക്കാദമിയിലൂടെയാണ് വളർന്നത്.
2021-ൽ ബെംഗളുരു എഫ്സിക്ക് ഒപ്പം ചേർന്നു. അവിടെ അദ്ദേഹം ഒരു വിംഗറായും മിഡ്ഫീൽഡറായും കഴിവ് തെളിയിച്ചു. റിലയൻസ് ഫൗണ്ടേഷൻ ഡെവലപ്മെന്റ് ലീഗ് 2023-ൽ ടൂർണമെന്റിലെ ഗോൾഡൻ ബോൾ തോയ് സ്വന്തമാക്കിയിരുന്നു.
“എന്റെ കഴിവുകൾ പ്രകടിപ്പിക്കാനും ഒരു കളിക്കാരനെന്ന നിലയിൽ വളരാനുമുള്ള മികച്ച പ്ലാറ്റ്ഫോം നോർത്ത് ഈസ്റ്റ് നൽകും. ഇത് എന്റെ കരിയറിലെ ഒരു വലിയ ചുവടുവയ്പ്പാണ്, എന്റെ മുന്നിലുള്ള വെല്ലുവിളികൾ നിറവേറ്റാൻ കഠിനാധ്വാനം ചെയ്യാൻ ഞാൻ തീരുമാനിച്ചു.” തോയ് പറഞ്ഞു,