ഗോകുലം കേരളയുടെ താരമായിരുന്ന യുവ സ്ട്രൈക്കർ ശ്രീകുട്ടൻ വി എസ് ഇനി ജംഷദ്പൂർ എഫ് സിയുടെ താരം. ശ്രീകുട്ടനെ 2 വർഷത്തെ കരാറിൽ ജംഷദ്പൂർ സൈൻ ചെയ്തു. അവസാന മൂന്ന് സീസണായി ശ്രീകുട്ടൻ ഗോകുലം കേരളക്ക് ഒപ്പം ഉണ്ടായിരുന്നു. ആദ്യം കേരള ബ്ലാസ്റ്റേഴ്സിൽ നിന്ന് ലോൺ കരാറിലും പിന്നീട് സ്ഥിര കരാറിലും ശ്രീകുട്ടൻ ഗോകുലത്തിനായി കളിച്ചു.
ഗോകുലം കേരളക്ക് ഒപ്പം ഒരു ഐ ലീഗ് കിരീടം നേടിയിട്ടുണ്ട്. മുമ്പ് എഫ് സി കേരളയുടെ താരമായിരുന്നു ശ്രീകുട്ടൻ. ARA എഫ് സിക്കായും കെ എസ് ഇ ബിക്കായും താരം മുമ്പ് കളിച്ചിട്ടുണ്ട്. സെന്റ് തോമസ് തൃശ്ശൂരിലൂടെ വളർന്നു വന്ന താരമാണ്.