സ്പാനിഷ് വിങ്ങറും മുൻ ലാലിഗ താരവുമായ അരിഡായി കാബ്രെറ സുവാരസ് ഒഡീഷയിലേക്ക് എത്തുന്നു. യുഡി ലാസ് പാൽമാസിൽ നിന്ന് ആണ് താരം ഒഡീഷ എഫ്സിയിൽ ചേരാൻ ഒരുങ്ങുന്നത്. താരം ഒഡീഷയിൽ ഒരു വർഷത്തെ കരാർ ഒപ്പുവെക്കും. 32-കാരനായ താരം വിംഗർ ഫോർവേഡ്, മിഡ്ഫീൽഡർ എന്നിങ്ങനെ പല പൊസിഷനിലും കളിക്കാൻ കഴിയുന്ന വെർസറ്റൈൽ താരമാണ്.
യുഡി ലാസ് പാൽമാസ് കൂടാതെ മല്ലോർക്ക, ജിറോണ, വലൻസിയ തുടങ്ങിയ ക്ലബുകൾക്കായി താരം കളിച്ചിട്ടുണ്ട്. ലാലിഗ, കോപ്പ ഡെൽ റേ, ലാലിഗ 2 തുടങ്ങിയ ടൂർണമെന്റുകളിൽ ഒക്കെ താരം കളിച്ചിട്ടുണ്ട്. നാഞ്ഞൂറിലധികം മത്സരങ്ങൾ ക്ലബ് തലത്തിൽ താരം ഇതുവരെ കളിച്ചിട്ടുണ്ട്.