കേരള ബ്ലാസ്റ്റേഴ്സിന്റെ ഗോൾ കീപ്പർ സച്ചിൻ സുരേഷ് ദീർഘകാലം പുറത്തിരിക്കും. താരം ശസ്ത്രക്രിയക്ക് വിധേയനാകും എന്ന് ക്ലബ് തന്നെ ഇന്ന് അറിയിച്ചു. അടുത്ത ദിവസം സച്ചിൻ മുംബൈയിലേക്ക് പോകും. അവിടെ വെച്ചാകും ശസ്ത്രക്രിയ നടക്കുക. ഇനി ഈ സീസണിൽ സച്ചിൻ കളിക്കാൻ സാധ്യതയില്ല. അവസാന മത്സരത്തിൽ ചെന്നൈയിനെ നേരിടുന്നതിനിടയിൽ ആയിരുന്നു സച്ചിന്റെ തോളിന് പരിക്കേറ്റത്.
ഒരു ക്രോസ് കൈക്കലാക്കാൻ ശ്രമിക്കുന്നതിനിടയിൽ ആയിരുന്നു സച്ചിന് പരിക്കേറ്റത്. താരത്തെ അന്ന് ഉടൻ തന്നെ സബ് ചെയ്തിരുന്നു. പകരം കരൺജിത് കളത്തിൽ ഇറങ്ങി.ഇനി അങ്ങോട്ടും കരൺജിത് ആകും ബ്ലാസ്റ്റേഴ്സിന്റെ വല കാക്കുക.