കേരള ബ്ലാസ്റ്റേഴ്സ് ഇന്നലെ മുംബൈ സിറ്റിയോടേറ്റ പരാജയത്തിൽ വഴങ്ങിയ രണ്ടു ഗോളുകളും കേരള ബ്ലാസ്റ്റേഴ്സ് മറക്കാൻ ആഗ്രഹിക്കുന്നുണ്ടാകും. രണ്ട് ഗോളുകളും വ്യക്തികഗത പിഴവുകൾ ആയിരുന്നു. ആദ്യ ഗോളിൽ ബ്ലാസ്റ്റേഴ്സിന്റെ യുവ ഗോൾ കീപ്പർ സച്ചിൻ സുരേഷ് പന്ത് കൈക്കലാക്കുന്നതിൽ പരാജയപ്പെടുകയും തുടർന്ന് ഗോളായി മാറുകയുമായിരുന്നു. എന്നാൽ ഈ ഗോളിന് സച്ചിനെ ക്ലബിൽ ആരും പഴി പറയില്ല എന്ന് ബ്ലാസ്റ്റേഴ്സ് സഹ പരിശീലകൻ ഫ്രാങ്ക് ദോവൻ പറഞ്ഞു.
സച്ചിൻ യുവതാരമാണ്. അവൻ ഒരു നല്ല കീപ്പർ ആണ് നല്ല ടാലന്റും ആണ്. ഫ്രാങ്ക് പറഞ്ഞു. സച്ചിൻ വഴങ്ങിയ ഗോൾ ഈ കളിയുടെ ഭാഗമാണ്. ഇത്തരം പിഴവുകളിൽ നിന്ന് സച്ചിൻ പഠിക്കും. ഫ്രാങ്ക് പറഞ്ഞു. സച്ചിൻ ഇനിയും മെച്ചപ്പെടും എന്ന് പറഞ്ഞ പരിശീലകൻ ഗോൾ കീപ്പിങ് കോച്ചുമാർ സച്ചിനെ മുന്നോട്ട് പോകാൻ സഹായിക്കും എന്നും ഫ്രാങ്ക് പറഞ്ഞു.