ഐ എസ് എല്ലിനായി ഒരുങ്ങുന്ന ജംഷദ്പൂർ എഫ് സിക്ക് ഒരു പരാജയം. ഇന്ന് പ്രീസീസണിൽ റൗണ്ട് ഗ്ലാസ് പഞ്ചാബ് എഫ് സിയെ നേരിട്ട ജംഷദ്പൂർ എതിരില്ലാത്ത രണ്ട് ഗോളുകളുടെ പരാജയമാണ് ഏറ്റു വാങ്ങിയത്. രണ്ടാം പകുതിയിൽ ആണ് രണ്ടു ഗോളുകളും പിറന്നത്. 60ആം മിനുട്ടിൽ റൊണാൾഡോ ഒലിവേരയിലൂടെ ആയിരുന്നു പഞ്ചാബിന്റെ ആദ്യ ഗോൾ. ഇതിനു ശേഷം 90ആം മിനുട്ടിൽ ഡാനിയൽ ലാലിപുയിയ വിജയം ഉറപ്പിച്ച രണ്ടാം ഗോളും നേടി.
റൗണ്ട് ഗ്ലാസ് പഞ്ചാബ് സെപ്റ്റംബർ 30ന് കേരള ബ്ലാസ്റ്റേഴ്സുമായി ഒരു സൗഹൃദ മത്സരം കളിക്കുന്നുണ്ട്.
