അങ്ങനെ അവസാനം പ്രൊണായ് ഹാൾദർ ജംഷദ്പൂരിലേക്ക് തന്നെ തിരികെയെത്തി. ഇത്തവണ സ്ഥിര കരാറിൽ ആണ് പ്രൊണായ് ജംഷദ്പൂരിലേക്ക് പോകുന്നത്. കഴിഞ്ഞ സീസണിൽ ലോണിൽ ജംഷദ്പൂരിൽ കളിച്ച താരം ഈ സീസണിലെ ആദ്യ പകുതിയിൽ എ ടി കെ മോഹൻ ബഗാന്റെ ഭാഗമായിരുന്നു. പക്ഷെ മോഹൻ ബഗാനിൽ ആകെ രണ്ട് മത്സരങ്ങൾ മാത്രമാണ് കളിക്കാൻ ആയത്. ഇതാണ് കൊൽക്കത്ത വിടാം എന്ന് പ്രൊണായ് തീരുമാനിക്കാൻ കാരണം.
2018 മുതൽ എ ടി കെക്ക് ഒപ്പമുണ്ടായിരുന്ന താരമാണ് പ്രണോയ്. കഴിഞ്ഞ സീസണിൽ ജംഷദ്പൂരിനായി 14 മത്സരങ്ങൾ കളിച്ചിരുന്നു. ഐ എസ് എല്ലിൽ ഇതുവരെ 80 മത്സരങ്ങൾ കളിച്ചിട്ടുണ്ട്. ടാറ്റ ഫുട്ബോൾ അക്കാദമിയിലൂടെ വളർന്നു വന്ന താരം ഇന്ത്യൻ യുവടീമായ ആരോസിനു വേണ്ടി മുമ്പ് കളിച്ചിട്ടുണ്ട്. ഡെമ്പോയ്ക്ക് വേണ്ടിയും ഐ ലീഗ് കളിച്ചിട്ടുണ്ട്. എഫ് സി ഗോവ, മുംബൈ സിറ്റി എന്നിവരെ പ്രതിനിധീകരിച്ച് ഐ എസ് എല്ലിലും കളിച്ചിട്ടുണ്ട്.