രണ്ടാം ജയം തേടി പൂനെ, ആത്മവിശ്വാസത്തോടെ നോർത്ത് ഈസ്റ്റ്

- Advertisement -

ഇന്ത്യൻ സൂപ്പർ ലീഗിൽ ഇന്ന് പൂനെ എഫ് സി- നോർത്ത് ഈസ്റ്റ് യൂണൈറ്റഡ് പോരാട്ടം. പൂനെയുടെ മൈതാനത്ത് ഇന്ന് വൈകിട്ട് 7.30 നാണ് മത്സരം കിക്കോഫ്. പോയിന്റ് ടേബിളിൽ എട്ടാം സ്ഥാനത്തുള്ള പൂനെക്ക് മികച്ച ഫോമിലുള്ള നോർത്ത് ഈസ്റ്റിനെ വീഴ്ത്തുക എന്നത് എളുപമാക്കില്ല. നിലവിൽ നാലാം സ്ഥാനത്താണ് നോർത്ത് ഈസ്റ്റ്.

ഡിയഗോ കാർലോസിന്റെയും, മാറ്റ് മിൽസിന്റെയും ഗോളുകളുടെ പിൻബലത്തിൽ കഴിഞ്ഞ ആഴ്ച്ച ജംഷെഡ്പൂരിനെ വീഴ്ത്തി സീസണിലെ ആദ്യ ജയം സ്വന്തമാക്കിയ ആത്മവിശ്വാസത്തിലാണ് പൂനെ ഇറങ്ങുക. ഇയാൻ ഹ്യുമിന്റെ വരവ് ആത്മവിശ്വാസം നിറച്ച ക്യാമ്പിൽ രണ്ടാം ജയം തന്നെയാവും പൂനെ ലക്ഷ്യമിടുക. മാർസെലിനോ, ആഷിക് എന്നിവരുമായൊക്കെ ഹ്യൂം എങ്കിനെ പങ്കാളിത്തം സ്ഥാപിക്കുന്നു എന്നതിനെ ആശ്രയിച്ചിരിക്കും അവരുടെ ഭാവി.

കേരളം ബ്ളാസ്റ്റേഴ്സിനെ ഇഞ്ചുറി ടൈമിൽ മറികടന്ന ജയത്തോടെയാണ് നോർത്ത് ഈസ്റ്റ് എത്തുന്നത്. ബ്ളാസ്റ്റേഴ്സിനെതിരെ പകരക്കാരനായി ഇറങ്ങി മികച്ച പ്രകടനം നടത്തിയ മാസിയ ഇന്ന് ആദ്യ ഇലവനിൽ ഇടം നേടാൻ സാധ്യതയുണ്ട്. പിറകിൽ പോയാലും ശക്തമായി തിരിച്ചു വരാനുള്ള കെൽപ്പ് ഉണ്ടെന്ന് സീസണിൽ പല തവണ തെളിയിച്ച നോർത്ത് ഈസ്റ്റിനെ വീഴ്ത്താൻ പൂനെ ഇന്ന് ശക്തമായ പോരാട്ടം തന്നെ നടത്തേണ്ടി വരുമെന്ന് ഉറപ്പാണ്.

Advertisement