മുൻ ചാമ്പ്യന്മാരുടെ പോരാട്ടം, എടികെ ചെന്നൈയിനെതിരെ

- Advertisement -

ഇന്ത്യൻ സൂപ്പർ ലീഗിൽ ഇന്ന് മുൻ ചാമ്പ്യന്മാരുടെ പോരാട്ടം. ചെന്നൈയിലെ‌ ജവഹർലാൽ നെഹ്രു സ്റ്റേഡിയത്തിൽ രണ്ട് തവണ ചാമ്പ്യന്മാരായ എടികെ കൊൽക്കത്തയെ ആണ് ചെന്നൈയിൻ നേരിടുക. ഇരു ടീമുകളും ഇതുവരെ 12 തവണ ഏറ്റുമുട്ടിയിട്ടുണ്ട്. 38 ഗോളുകൾ പിറന്ന മത്സരങ്ങളിൽ 3 ജയം ചെന്നൈയിൻ നേടിയപ്പോൾ 5 ജയം എടികെക്കായിരുന്നു. ഇന്ന് വൈകിട്ട് 7.30 ആണ് കിക്കോഫ്. എടികെ ഒരു മത്സരത്തിൽ ജയവും ഒന്നിൽ ജയവുമാണുള്ളത്. അതേ സമയം ചെന്നൈയിൻ ഒരു തോൽവിയും ഒരു സമനിലയുമാണ് വഴങ്ങിയത്.

ഈ സീസണിൽ ട്രാൻസ്ഫർ മാർക്കറ്റിൽ ഏറെ പണമൊഴുക്കിയ എടികെ വമ്പൻ നിരയുമായാണ് എത്തിയത്. എന്നാൽ ആദ്യ മത്സരത്തിൽ കേരള ബ്ലാസ്റ്റേഴ്സിനോട് അപ്രതീക്ഷിതമായ തോൽവി ആണ് എടികെ വഴങ്ങിയത്. എന്നാൽ കന്നിക്കാരായ ഹൈദരാബാദിനെതിരെ എടികെ ഗോൾ മഴ പെയ്യിച്ചു. എഡു ഗാർസിയ -റോയ് കൃഷ്ണ-സൂസെരാജ് സഖ്യം ഏതൊരു പ്രതിരോധനിരയേയും വെല്ലുവിളിക്കാൻ പോന്നതാണ്. ആദ്യ കളിയിൽ ഗോവയോട് തോൽക്കാനായിരുന്നു ചെന്നൈയിന്റെ വിധി. എന്നാം രണ്ടാം മത്സരത്തിൽ മുംബൈയോട് ഗോൾ രഹിത സമനില വഴങ്ങാൻ ആയിരുന്നു ചെന്നൈയിന്റെ വിധി. ഈ സീസണിൽ ഒരൊറ്റ ഗോൾ പോലും നേടാൻ ചെന്നൈയിനായിട്ടില്ല.

Advertisement