ഐ എസ് എല്ലിലെ പുതിയ ടീമായ ഹൈദരബാദ് എഫ് സിക്ക് പ്രീസീസൺ പോരാട്ടത്തിൽ വൻ വിജയം. ഇന്ന് സൗഹൃദ മത്സരത്തിൽ ഐലീഗ് ക്ലബായ മിനേർവ പഞ്ചാബിനെ നേരിട്ട ഹൈദരബാദ് എഫ് സി എതിരില്ലാത്ത നാലു ഗോളുകളുടെ വിജയമാണ് സ്വന്തമാക്കിയത്. ഇരട്ട ഗോളുകളുമായി റോബിൻ സിംഗാണ് ഹൈദരബാദിന്റെ ഹീറോ ആയി മാറിയത്.
റോബിൻ സിംഗിനെ കൂടാതെ മാർസെലീനോ, അഭിഷേക് ഹാൾദർ എന്നിവരാണ് ഇന്ന് ഹൈദരബാദിനായി ഗോളുകൾ നേടിയത്. മലയാളി യുവതാരം ഗനി നിഗം അഹമ്മദ് ഇന്ന് ഹൈദരബാദിനായി കളത്തിൽ ഇറങ്ങിയിരുന്നു. സീസൺ ആരംഭിക്കും മുമ്പുള്ള ഹൈദരബാദിന്റെ അവസാന സൗഹൃദ മത്സരമാണിത്.
