ബെംഗളൂരുവിന്റെ വിദേശ താരം എറിക് പാർതാലു പുതിയ കരാർ ഒപ്പിട്ടു. രണ്ട് വർഷത്തേക്കാണ് പുതിയ കരാർ. അവസാന മൂന്ന് സീസണായി ബെംഗളൂരു എഫ് സിക്ക് ഒപ്പം ഉള്ള താരമാണ് പാർതാലു. ബെംഗളൂരു എഫ് സിക്കായി ഈ സീസണിലും ഗംഭീര പ്രകടനം പാർതാലു നടത്തിയിരുന്നു. സീസണിൽ 17 മത്സരങ്ങൾ കളിച്ച പാർതാലും 2 ഗോളുകളും 5 അസിസ്റ്റും ഈ സീസണിൽ ബെംഗളൂരു എഫ് സിക്കായി സംഭാവന ചെയ്തിട്ടുണ്ട്.
മുൻ ഓസ്ട്രേലിയൻ ഇന്റർനാഷണലാണ് എറിക് പാർതാലു. രണ്ടു തവണ ഓസ്ട്രേലിയയ്ക്കു വേണ്ടി ജേഴ്സി അണിഞ്ഞിട്ടുണ്ട് ഈ താരം. സ്കോട്ടിഷ് ലീഗിൽ ഗ്രെറ്റ്നയ്ക്കു വേണ്ടിയും എ ലീഗിൽ ബ്രിസ്ബനു വേണ്ടിയും എറിക് ബൂട്ടു കെട്ടിയിട്ടുണ്ട്. ഇതുവരെ ബെംഗളൂരുവിനായി 49 മത്സരങ്ങൾ ഇതുവരെ പാർതാലു കളിച്ചിട്ടുണ്ട്.