Category: Indian Super League

കേരള ബ്ലാസ്റ്റേഴ്സിന്റെ ഡിഫൻസീവ് മധ്യനിര താരം അലക്സാണ്ടർ കോഫും ക്ലബ് വിടുന്നു. താരം ഈ ജനുവരി ട്രാൻസ്ഫർ വിൻഡോയിൽ ക്ലബ് വിടൻ ശ്രമിക്കുന്നുണ്ട് എന്ന് മനോരമ റിപ്പോർട്ട് ചെയ്യുന്നു. ഈ സീസൺ തുടക്കത്തിൽ ആയിരുന്നു കോഫ് ബ്ലാസ്റ്റേഴ്സിൽ എത്തിയത്. എന്നാൽ അത്ര നല്ല പ്രകടനം നടത്താൻ കോഫിന് ഇതുവരെ ആയിട്ടില്ല.

ഒരു വർഷത്തെ കരാറാണ് താരം ക്ലബിൽ ഒപ്പുവച്ചിരിക്കുന്നത്. ക്ലബുമായി ചർച്ച ചെയ്ത് ഒരു പരിഹാരത്തിൽ എത്താൻ ആകും എന്ന് കോഫ് കരുതുന്നു. ഫ്രഞ്ച് ലീഗ് 2 ൽ എസ്എം കെയ്‌നിനായാണ് താരം ബ്ലാസ്റ്റേഴ്സിലേക്ക് വരും മുമ്പ് കളിച്ചത്. സെന്റർ ബാക്ക് ആയും ഡിഫെൻസിവ് മിഡ്‌ഫീൽഡറായും അലക്‌സാണ്ടർ കോഫ് ബ്ലാസ്റ്റേഴ്സിനായി ഇറങ്ങിയിട്ടുണ്ട്.

ഞായറാഴ്ച പഞ്ചാബ് എഫ്‌സിക്കെതിരായ തങ്ങളുടെ വരാനിരിക്കുന്ന മത്സരത്തിലും സ്ട്രൈക്കർ ജീസസ് ജിമിനസ് ഉണ്ടാകില്ല എന്ന് കേരള ബ്ലാസ്റ്റേഴ്‌സിൻ്റെ ഇടക്കാല മാനേജർ ടിജി പുരുഷോത്തമൻ സ്ഥിരീകരിച്ചു. അടുത്ത രണ്ട് മത്സരങ്ങളിൽ ജീസസും വിബിനും ഉണ്ടാകില്ല എന്നും അത് കഴിഞ്ഞ് മടങ്ങി വരുമെന്നും പുരുഷോത്തമൻ ഇന്ന് മാധ്യമങ്ങളോട് പറഞ്ഞു.

കഴിഞ്ഞ രണ്ട് മത്സരങ്ങൾ നഷ്‌ടമായ ജീസസ് ടീമിൻ്റെ സമീപകാല പോരാട്ടങ്ങളിൽ പ്രധാന അസാന്നിധ്യമായിരുന്നു. നിലവിൽ 14 മത്സരങ്ങളിൽ നിന്ന് 14 പോയിൻ്റുമായി 10-ാം സ്ഥാനത്താണ് ബ്ലാസ്റ്റേഴ്‌സ്, പഞ്ചാബ് എഫ്‌സിക്കെതിരെ വിജയം നേടിക്കൊണ്ട് പ്ലേ ഓഫ് പ്രതീക്ഷകൾ കാക്കാൻ ആകും ബ്ലാസ്റ്റേഴ്സ് ശ്രമിക്കുക. പരിക്ക് മാറിയ ഐമൻ പഞ്ചാബിനെതിരെ കളിക്കും എന്നും പുരുഷോത്തമൻ പറഞ്ഞു.

ചെന്നൈയിൻ എഫ്‌സി ഡിഫൻഡർ ബികാഷ് യുമ്‌നവുമായി കേരള ബ്ലാസ്റ്റേഴ്സ് മുൻകൂർ കരാർ ഒപ്പുവെച്ചതായി KhelNow റിപ്പോർട്ട് ചെയ്യുന്നു. 21 കാരനായ ഇന്ത്യൻ ജൂനിയർ ഇൻ്റർനാഷണൽ 2025-26 ഐഎസ്എൽ സീസണിൽ ബ്ലാസ്റ്റേഴ്സിൽ ചേരും. ഈ കാമ്പെയ്‌നിൻ്റെ അവസാനത്തോടെ അദ്ദേഹത്തിൻ്റെ നിലവിലെ ചെന്നൈയിനിലെ കരാർ കാലഹരണപ്പെടാൻ ഇരിക്കുകയാണ്.

ചെന്നൈയിൻ എഫ്‌സിക്ക് ആയി 29 മത്സരങ്ങളും 2,000 മിനിറ്റിലധികം ഐഎസ്എൽ ആക്ഷനും യുമനം കളിച്ചിട്ടുണ്ട്. യുവ ഡിഫൻഡർ വിവിധ യൂത്ത് തലങ്ങളിൽ ഇന്ത്യയെ പ്രതിനിധീകരിച്ചിട്ടുണ്ട്

മറ്റ് ഐഎസ്എൽ ക്ലബ്ബുകളും യുംനാമിനായി രംഗത്ത് ഉണ്ടായിരുന്നു. താരത്തെ സ്വന്തമാക്കാനായി കേരള ബ്ലാസ്റ്റേഴ്‌സ് അതിവേഗം പ്രവർത്തിച്ചുവെന്നും ദേശീയ മാധ്യമം റിപ്പോർട്ട് ചെയ്യുന്നു.

ജംഷഡ്പൂരിൽ കേരള ബ്ലാസ്റ്റേഴ്സിന് പരാജയം. ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സ് വീണ്ടും തോൽവി വഴങ്ങി. ഒരു വിജയത്തിൻറെ ഇടവേളക്ക് ശേഷം ഇന്ന് ജംഷഡ്പൂരിനെ നേരിടാൻ എത്തിയ കേരള ബ്ലാസ്റ്റേഴ്സ് എവേ മത്സരത്തിൽ പരാജയപ്പെട്ടു മറുപടിയില്ലാത്ത ഒരു ഗോളിന് ആണ് പരാജയപ്പെട്ടത്‌.

കേരള ബ്ലാസ്റ്റേഴ്സിന്റെ പരാജയം പോയിൻറ് ടേബിൾ മുന്നേറാൻ ആകുമെന്ന ക്ലബിന്റെ മോഹത്തിന് വലിയ തിരിച്ചടിയാണ്. ഇന്നും സ്ട്രൈക്കർ ജീസസ് ജിമിനസ് ഇല്ലാതെ ഇറങ്ങിയ കേരള ബ്ലാസ്റ്റേഴ്സ് താളം കണ്ടെത്താൻ പ്രയാസപ്പെട്ടു. തുടക്കത്തിൽ നല്ല അവസരങ്ങൾ കേരള ബ്ലാസ്റ്റേഴ്സിന് ലഭിച്ചു എങ്കിലും അത് ലക്ഷ്യത്തിലെത്താൻ ആയില്ല. ആദ്യ പകുതിയിൽ ഇന്ന് ഗോൾ ഒന്നും വീണില്ല. രണ്ടാം പകുതിയിൽ പ്രതീകിലൂടെയാണ് ജംഷഡ്പൂർ ലീഡ് എടുത്തത്. കേരള ബ്ലാസ്റ്റേഴ്സ് സമനില ഗോൾ നേടാൻ ഏറെ പരിശ്രമിച്ചുവെങ്കിലും അതിന് അത് ഫലം കണ്ടില്ല.

കേരള ബ്ലാസ്റ്റേഴ്സിന്റെ ഈ സീസണിലെ എട്ടാം പരാജയമാണിത്. 14 മത്സരങ്ങളിൽ നിന്നാണ് കേരള ബ്ലാസ്റ്റേഴ്സ് എട്ടു പരാജയങ്ങൾ നേരിട്ടത്. കേരള ബ്ലാസ്റ്റേഴ്സ് ഇപ്പോൾ ലീഗിൽ പത്താം സ്ഥാനത്ത് നിൽക്കുകയാണ്. ജംഷദ്പൂരാകട്ടെ ഈ വിജയത്തോടെ 21 പോയിന്റുമായി 4 സ്ഥാനത്ത് എത്തി.