സ്പാനിഷ് ഡിഫൻഡർ ഒനൈന്ത്യ ഇനി എഫ് സി ഗോവയിൽ. ഹൈദരാബാദ് എഫ്സിയിൽ നിന്നാണ് താരം ഗോവയിലേക്ക് എത്തുന്നത്. ഹൈദരാബാദ് കോച്ച് മനോലോ മാർക്വേസ് ഗോവയിലേക്ക് എത്തിയതിനു പിന്നാലെയാണ് ഒനൈന്ത്യയും ഗോവയിലേക്ക് എത്തുന്നത്.
ഈ കഴിഞ്ഞ സീസണിൽ ഐ എസ് എല്ലിൽ 21 മത്സരങ്ങൾ താരം കളിച്ചിരുന്നു. ഒരു ഗോളും ഒരു അസിസ്റ്റും താരം സംഭാവന ചെയ്തിട്ടുണ്ട്. അത്ലറ്റിക് ബിൽബാവോയിലൂടെ കരിയർ ആരംഭിച്ച ഒനൈന്ത്യ സെൽറ്റ ഡി വിഗോ, സെവിയ്യ, വിയ്യറയൽ തുടങ്ങി വിവിധ സ്പാനിഷ് ക്ലബുകൾക്കായി താരം കളിച്ചിട്ടുണ്ട്.