ഇന്ത്യൻ സൂപ്പർ ലീഗിൽ നോർത്ത് ഈസ്റ്റ് യുണൈറ്റഡിന് തകർപ്പൻ വിജയം. ഇന്ന് ഈസ്റ്റ് ബംഗാളിനെ നേരിട്ട നോർത്ത് ഈസ്റ്റ് യുണൈറ്റഡ് രണ്ടിനെതിരെ മൂന്നു ഗോളുകൾക്ക് ആണ് വിജയിച്ചത്. ഗുവാഹത്തിയിൽ നടന്ന മത്സരത്തിൽ ജുറിച് നാലാം മിനുട്ടിൽ നോർത്ത് ഈസ്റ്റ് യുണൈറ്റഡിന് ലീഡ് നൽകി. 15ആം മിനുട്ടിൽ നെസ്റ്ററിലൂടെ അവർ ഒരു ഗോൾ കൂടെ നേടി സ്കോർ 2-0 എന്നാക്കി.
രണ്ടാം പകുതിയുടെ തുടക്കത്തിൽ നന്ദകുമാർ ശേഖറിന്റെ ഫിനിഷിൽ ഈസ്റ്റ് ബംഗാൾ ഒരു ഗോൾ മടക്കി.എന്നാൽ 66ആം മിനുട്ടിൽ ജുറിച് വീണ്ടും ഗോൾ നേടിയതോടെ നോർത്ത് ഈസ്റ്റ് സ്കോർ 3-1 എന്നാക്കി. 82ആം മിനുട്ടിൽ ബ്രൗണിലൂടെ ഈസ്റ്റ് ബംഗാൾ ഒരു ഗോൾ കൂടെ മടക്കി എങ്കിലും വിജയം ഉറപ്പിക്കാൻ നോർത്ത് ഈസ്റ്റിനായി.
16 പോയിന്റുമായി നോർത്ത് ഈസ്റ്റ് ആറാം സ്ഥാനത്തേക്ക് ഉയർന്നു. ഈസ്റ്റ് ബംഗാൾ ഒമ്പതാം സ്ഥാനത്താണ്.