മുഹമ്മദ് നെമിൽ സ്പെയിൻ വിട്ട് ഗോവയിലേക്ക് തിരികെയെത്തി

Newsroom

Download the Fanport app now!
Appstore Badge
Google Play Badge 1

എഫ് സി ഗോവയുടെ മലയാളി താരമായ മുഹമ്മദ് നെമിൽ ഇന്ത്യയിലേക്ക് തിരികെയെത്തി. അവസാന രണ്ടു വർഷമായി സ്പെയിനിൽ പരിശീലനം നടത്തുന്ന താരത്തെ ഇന്ത്യയിലേക്ക് തിരികെ വിളിക്കാൻ എഫ് സി ഗോവ തന്നെയാണ് തീരുമാനിച്ചത്. പുതിയ ഐ എസ് എൽ സീസണിൽ താരത്തെ സീനിയർ സ്ക്വാഡിൽ ഉൾപ്പെടുത്താൻ ആണ് എഫ് സി ഗോവ ആലോചിക്കുന്നത്. ഗോവയുമായി നെമിലിന് ഇനിയും 3 വർഷത്തെ കരാർ ഉണ്ട്.

19കാരനായ നെമിൽ റിലയൻസ് യൂത്ത് ടീമിലൂടെ വളർന്നു വന്ന താരമാണ്. അഞ്ചു വർഷത്തോളം റിലയൻസ് യൂത്ത് ചാമ്പ്യനൊപ്പം നെമിൽ കളിച്ചു. 2015ൽ 13കാരനായിരിക്കെ ആയിരുന്നു നെമിലിനെ റിലയൻസ് സൈൻ ചെയ്തത്. സ്പെയിനിൽ എഫ് ഇ ഗ്രാമയുടെ അണ്ടർ 19 ടീമിൽ കളിച്ച താരം അവസാന സീസണിൽ അവരുടെ സീനിയർ ടീമിലും എത്തിയിരുന്നു. നെമിലിനെ ഇനി ഐ എസ് എല്ലിൽ കാണാൻ ആയിരിക്കും എല്ലാ ഫുട്ബോൾ പ്രേമികളും കാത്തിരിക്കുന്നത്. കോഴിക്കോട് സ്വദേശിയാണ് നെമിൽ.