ലെഫ്റ്റ് ബാക്ക് നാരായൺ ദാസ് എഫ് സി ഗോവ വിട്ടു. താരം രാജസ്ഥാൻ യുണൈറ്റഡിൽ കരാർ ഒപുവെച്ചതായി പ്രമുഖ മാധ്യമ പ്രവർത്തകൻ മാർക്കസ് റിപ്പോർട്ട് ചെയ്യുന്നു. ഒരു വർഷത്തെ കരാർ താരം ഐ ലീഗ് ക്ലബിൽ ഒപ്പുവെച്ചു. ടീമിനൊപ്പം താരം ഉടൻ ചേരും. അവസാന ഒരു വർഷമായി നാരായൺ ദാസ് എഫ് സി ഗോവയ്ക്ക് ഒപ്പം ആയിരുന്നു ഉണ്ടായിരുന്നത്.
30കാരനായ താരത്തിന് എഫ് സി ഗോവയിൽ അത്ര നല്ല കാലമായിരുന്നില്ല. ഗോവയിൽ എത്തും മുമ്പ് ചെന്നൈയിനും ഈസ്റ്റ് ബംഗാളിനും ഒഡീഷക്കും ആയിരുന്നു താരം കളിച്ചിരുന്നത്. മുൻ ടാറ്റാ അക്കാദമി പ്രൊഡക്ടാണ് നാരായൺ. ഐ എസ് എല്ലിൽ ഇതുവരെ 130ൽ അധികം മത്സരങ്ങൾ കളിച്ച പരിചയ സമ്പത്ത് നാരായൺ ദാസിനുണ്ട്. ഇന്ത്യൻ ആരോസ്, ഡെംപോ എന്നീ ടീമുകളുടെ ജേഴ്സിയും ഈ ബംഗാൾ സ്വദേശി അണിഞ്ഞിട്ടുണ്ട്.