മുംബൈ സിറ്റി എഫ്സി വെർസറ്റൈൽ യുവതാരം ഗുർകിരത് സിംഗിനെ സൈൻ ചെയ്തതായി പ്രഖ്യാപിച്ചു. ഇന്ത്യൻ ആരോസിൽ നിന്നാണ് 18കാരൻ മുംബൈയിൽ എത്തുന്നത്. മൂന്ന് വർഷത്തെ കരാർ താരം ഒപ്പുവെച്ചതായി ഐ എസ് എൽ ചാമ്പ്യന്മാരായ മുംബൈ സിറ്റി ഇന്നലെ അറിയിച്ചു.
ചണ്ഡിഗഡ് ഫുട്ബോൾ അക്കാദമിയിലൂടെ വളർന്നു വന്ന താരമാണ്. ഇടത് വിങ്ങറായും ഇടതു ലെഫ്റ്റ് ബാക്കായും താരത്തിന് കളിക്കാൻ കഴിയും. പഞ്ചാബിൽ ജനിച്ച താരം ഐ ലീഗിൽ അവസാന മൂന്ന് സീസണിലും ഇന്ത്യൻ ആരോസിനൊപ്പം ഉണ്ടായിരുന്നു. 2020-21 സീസണിൽ 11 മത്സരങ്ങളിൽ പങ്കെടുക്കുകയും ഒരു ഗോൾ നേടുകയും ചെയ്യാൻ ഗുർകിരതിനായി.