മുംബൈ സിറ്റിക്ക് വലിയ തിരിച്ചടി. അവരുടെ രണ്ട് പ്രധാന താരങ്ങൾ ഇനി ഈ സീസണിൽ കളിക്കില്ല. എഫ്സി ഗോവയ്ക്കെതിരെ കളിക്കുമ്പോൾ പരിക്കേറ്റ ആയുഷ് ചിക്കാരയും പഞ്ചാബ് എഫ്സിക്കെതിരെ ഇറങ്ങിയപ്പോൾ പരിക്കേറ്റ ഇകർ ഗുരോത്ക്സേനയും ഈ സീസണിൽ ഇനി കളിക്കില്ല എന്ന് ക്ലബ് അറിയിച്ചു. ഇരുവർക്കും കാൽമുട്ടിന് ആണ് പരിക്ക്.
ആയുഷ് ചിക്കാര മുംബൈ സിറ്റി എഫ്സിയുടെ കലിംഗ സൂപ്പർ കപ്പ് കാമ്പെയ്നിൽ വലിയ പങ്ക് വഹിച്ചിരുന്നു. ആ ടൂർണമെൻ്റിനിടെ നാല് മത്സരങ്ങളിൽ നിന്ന് മൂന്ന് ഗോളുകൾ താരം നേടിയിരുന്നു.
ഈ കഴിഞ്ഞ വിൻ്റർ ട്രാൻസ്ഫർ വിൻഡോയിൽ ആയിരുന്നു ഇക്കർ ഗുരോത്ക്സേന മുംബൈ ഇന്ത്യൻസിൽ എത്തിയത്, കഴിഞ്ഞ ആറ് മത്സരങ്ങളിൽ മൂന്ന് ഗോളുകളും രണ്ട് അസിസ്റ്റുകളും താരം സംഭാവന നൽകിയിരുന്നു..