ഇന്ത്യൻ സൂപ്പർ ലീഗ് ഇന്നു നടന്ന മത്സരത്തിൽ മോഹൻ ബഗാൻ നോർത്ത് ഈസ്റ്റ് യുണൈറ്റഡിനെ തോൽപ്പിച്ചു. നോർത്ത് ഈസ്റ്റ് യുണൈറ്റഡിന്റെ ഹോം ഗ്രൗണ്ടിൽ നടന്ന മത്സരത്തിൽ ഒന്നിനെതിരെ മൂന്നു ഗോളുകൾക്കാണ് മോഹൻ ബഗാൻ വിജയിച്ചത്. തുടക്കത്തിൽ ഒരു ഗോളിന്റെ ലീഡ് നോർത്ത് ഈസ്റ്റ് എടുത്തു എങ്കിലും അത് നിലനിർത്താൻ നോർത്ത് ഈസ്റ്റിന് ആയില്ല.
നാലാം മിനിറ്റിൽ കോൻ സം സിംഗ് ആണ് നോർത്ത് ഈസ്റ്റിന് ലീഡ് നൽകിയത്. പതിമൂന്നാം മിനിറ്റിൽ ദീപക് ടാംഗ്രിയിലൂടെ ബഗാൻ സമനില. പിടിച്ചു. 28ആം മിനിറ്റിൽ കമിങ്സ് അവർക്ക് ലീഡും നൽകി. രണ്ടാം പകുതിയുടെ തുടക്കത്തിൽ തണ്ടോമ്പ സിങ് ചുവപ്പുകാർഡ് വാങ്ങി പുറത്തായത് നോർത്ത് ഈസ്റ്റിന് തിരിച്ചടിയായി. പിന്നെ ബഗാന് കാര്യങ്ങൾ എളുപ്പമായി. അവർ പിന്നീട് സുഭാഷിഷ് ബോസിലൂടെ മൂന്നാം ഗോളും നേടി അവരുടെ വിജയം പൂർത്തിയാക്കി. ഏഴു മത്സരങ്ങൾ കഴിഞ്ഞപ്പോൾ 6 വിജയവും ഒരു സമനിലയുമായി 19 പോയിന്റുമായി മൂന്നാം സ്ഥാനത്ത് നിൽക്കുകയാണ് മോഹൻബഗാൻ.