മുംബൈ സിറ്റിയുടെ ഗോൾ കീപ്പർ മുഹമ്മദ് നവാസ്
ക്ലബ് വിടുന്നു. താരം ചെന്നൈയിനിലേക്ക് പോകുന്നതായാണ് റിപ്പോർട്ടുകൾ. അവസാന മൂന്ന് സീസണായി നവാസ് മുംബൈ സിറ്റിക്ക് ഒപ്പം ഉണ്ട്. എന്നാൽ അവിടെ അവസരങ്ങൾ കുറഞ്ഞതോടെ പുതിയ തട്ടകം തിരയുകയാണ് നവാസ്.
24കാരനായ താരം ഈ സീസണിൽ ആകെ 5 ലീഗ് മത്സരങ്ങൾ മാത്രമെ മുംബൈ സിറ്റിക്ക് ആയി കളിച്ചിട്ടുള്ളൂ. മുമ്പ് എഫ് സി ഗോവയിൽ ഒന്നാം നമ്പർ ആയിരുന്നു നവാസ്. ആകെ 65 മത്സരങ്ങൾ ഐ എസ് എല്ലിൽ കളിച്ചിട്ടുണ്ട്. ഗോവയ്ക്ക് ഒപ്പം സൂപ്പർ കപ്പും ഐ എസ് എൽ ലീഗ് ഷീൽഡ് കിരീടവും നേടിയിട്ടുണ്ട്. മുംബൈ സിറ്റിക്ക് ഒപ്പം ഇപ്പോൾ ലീഗ് കിരീടവും നേടി.