ഹൈദരബാദ് എഫ് സി വിട്ട് ഗോവയിലേക്ക് ചേക്കേറിയ പരിശീലകൻ മനോലോ മാർക്കസ് താൻ ഗോവയിലേക്ക് വരാനുള്ള കാരണം വ്യക്തമാക്കി. “ഗോവയിൽ ഒരുപാട് ലെഗസി ക്ലബ്ബുകൾ ഉണ്ട്, അത് തീർച്ചയായും ഞാൻ ഇവിടേക്ക് വരാനുള്ള ഒരു കാരണമാണ്. ഞാൻ ഇഷ്ടപ്പെടുന്ന ഒരു ടീമാണ് ഹൈദരാബാദ് എഫ് സി. അവിടെ നിന്നാണ് ഞാൻ വരുന്നത്, എന്റെ ജീവിതകാലം മുഴുവൻ ഞാൻ ആ ക്ലബിനെ സ്നേഹിക്കും, പക്ഷേ ഹൈദരാബാദിൽ ഫുട്ബോളിൽ ആർക്കും താൽപ്പര്യമില്ല, അവർ സൺറൈസേഴ്സിൽ മാത്രമേ താൽപ്പര്യമുള്ളൂ.” മനോലോ പറഞ്ഞു.
“ഐപിഎല്ലിൽ സൺറൈസേഴ്സ് എല്ലായ്പ്പോഴും ഏറ്റവും താഴെയുള്ള 2 സ്ഥാനങ്ങളിൽ ആണ് ഫിനിഷ് ചെയ്യാറുള്ളത്, എന്നിട്ടും ഹൈദരാബാദുകാർ ഹീറോ ഐഎസ്എല്ലിൽ ഉയർത്തിയ ടീമിനേക്കാൾ സൺ റൈസേഴ്സിനെ ആണ് ഇഷ്ടപ്പെടുന്നത്.” – മനോലോ പറഞ്ഞു.
അവസാന മൂന്ന് സീസണുകളായി ഹൈദരാബാദ് എഫ് സിക്ക് ഒപ്പം ഉണ്ടായിരുന്ന പരിശീലകൻ അടുത്ത സീസൺ മുതൽ എഫ് സി ഗോവയ്ക്ക് വേണ്ടിയാകും തന്ത്രങ്ങൾ മെനയുക.