ഇന്ന് കൊൽക്കത്തൻ ഡാർബിയുടെ ആവേശം

Img 20211127 014559

ഇന്ന് ഐ എസ് എല്ലിൽ ഈ സീസണിലെ ആദ്യ കൊൽക്കത്തൻ ഡാർബി നടക്കും. ശനിയാഴ്ച തിലക് മൈതാനത്ത് നടക്കുന്ന ഹീറോ ഇന്ത്യൻ സൂപ്പർ ലീഗ് (ഐഎസ്എൽ) 2021-22 മത്സരത്തിൽ ബദ്ധവൈരികളായ എടികെ മോഹൻ ബഗാനും എസ്‌സി ഈസ്റ്റ് ബംഗാനും നേർക്കുനേർ വരും. സീസണിന്റെ ആദ്യ ദിനത്തിൽ കേരള ബ്ലാസ്റ്റേഴ്‌സ് എഫ്‌സിയെ 4-2ന് തോൽപ്പിച്ച് സീസൺ തുടങ്ങിയ മോഹൻ ബഗാൻ മികച്ച ആത്മവിശ്വാസത്തിലാണ് ഡാർബിക്ക് എത്തുന്നത്.

എസ്‌സി ഈസ്റ്റ് ബംഗാൾ ആദ്യ മത്സരത്തിൽ ജംഷഡ്പൂർ എഫ്‌സിയുമായി 1-1 സമനിലയിൽ പോയിന്റ് പങ്കിടുക ആയിരുന്നു. കഴിഞ്ഞ സീസണിൽ ഈ ടീമുകൾ തമ്മിൽ കളിച്ച രണ്ട് മത്സരങ്ങളിലും ബഗാനായിരുന്നു ജയിച്ചത്. എടികെ മോഹൻ ബഗാൻ യഥാക്രമം 2-0, 3-1 എന്ന സ്‌കോറിനാണ് കളി വിജയിച്ചത്. ഓരോ മത്സരത്തിലും റോയ് കൃഷ്ണ ഓരോ ഗോളും നേടി. ഇന്ന് രാത്രി 7.30നാണ് മത്സരം നടക്കുക. കളി തത്സമയം സ്റ്റാർ സ്പോർട്സിലും ഹോട്സ്റ്റാറിലും കാണാം.

Previous articleചിൽവെൽ ദീർഘകാലം പുറത്തിരുന്നേക്കും, ശസ്ത്രക്രിയ വേണ്ടിവരും എന്ന് സൂചന
Next article“സമ്മർദ്ദം ഇല്ല, പക്ഷെ പരാജയങ്ങളിൽ സങ്കടമുണ്ട്”