കേരള ബ്ലാസ്റ്റേഴ്സ് വിട്ട ശ്രീകുട്ടൻ ഇനി ഗോകുലം കേരളയുടെ മാത്രം താരം

കേരള ബ്ലാസ്റ്റേഴ്സ് താരമായിരുന്ന യുവ സ്ട്രൈക്കർ ശ്രീകുട്ടൻ വി എസ് ഇനി ഗോകുലത്തിന്റെ താരം. ഗോകുലം കേരള ശ്രീകുട്ടനെ സ്ഥിര കരാറിൽ സൈൻ ചെയ്തു. രണ്ടു വർഷത്തെ കരാറിലാണ് താരം ഗോകുലം കേരളയിൽ എത്തുന്നത്. കഴിഞ്ഞ സീസണിൽ ഗോകുലത്തിനൊപ്പം ലോണിൽ താരം കളിച്ചിരുന്നു.

കേരള ബ്ലാസ്റ്റേഴ്സ്

നേരത്തെ ശ്രീകുട്ടനെ റിലീസ് ചെയ്തതായി ബ്ലാസ്റ്റേഴ്സ് ക്ലബ് അറിയിച്ചിരുന്നു. അവസാന സീസണിൽ ഗോകുലത്തിന്റെ ലീഗ് കിരീട നേട്ടത്തിൽ വലിയ പങ്കുവഹിച്ച താരമാണ് ശ്രീകുട്ടൻ. 17 മത്സരങ്ങൾ കളിച്ച ശ്രീകുട്ടൻ രണ്ട് നിർണായക ഗോളുകൾ നേടിയിരുന്നു.

മുമ്പ് എഫ് സി കേരളയുടെ താരമായിരുന്നു ശ്രീകുട്ടൻ. അര എഫ് സിക്കായും കെ എസ് ഇ ബിക്കായും താരം മുമ്പ് കളിച്ചിട്ടുണ്ട്. സെന്റ് തോമസ് തൃശ്ശൂരിലൂടെ വളർന്നു വന്ന താരമാണ്.