തായ്ലൻഡിൽ നടന്ന കേരള ബ്ലാസ്റ്റേഴ്സിന്റെ പ്രീ സീസൺ മത്സരത്തിൽ കേരള ബ്ലാസ്റ്റേഴ്സിന് മികച്ച ജയം. തായ്ലൻഡ് ക്ലബായ ട്രൂ ബാങ്കോങ് യുണൈറ്റഡിന്റെ ബി ടീമിനെയാണ് കേരള ബ്ലാസ്റ്റേഴ്സ് ഏകപക്ഷീയമായ രണ്ടു ഗോളുകൾക്ക് തോൽപിച്ചത്. കേരള ബ്ലാസ്റ്റേഴ്സിന് വേണ്ടി മറ്റേ പോപ്ലാനിക്കും നിക്കോളയുമാണ് ഗോളുകൾ നേടിയത്.
മത്സരത്തിൽ സമ്പൂർണ ആധിപത്യം പുലർത്തിയ കേരള ബ്ലാസ്റ്റേഴ്സ് നിരവധി അവസരങ്ങൾ സൃഷ്ടിച്ചെങ്കിലും അവസരങ്ങൾ ഗോളാക്കുന്നതിൽ മുന്നേറ്റ നിര പരാജയപ്പെട്ടതാണ് കേരള ബ്ലാസ്റ്റേഴ്സിന് തിരിച്ചടിയായത്. തായ്ലൻഡിൽ കേരള ബ്ലാസ്റ്റേഴ്സിന് ഒരു മത്സരം കൂടിയാണ് ബാക്കിയുള്ളത്.