കേരള ബ്ലാസ്റ്റേഴ്സ് എഫ്സിയുടെ സഹ പരിശീലകനായ ടി.ജി. പുരുഷോത്തമൻ എ എഫ് സി എ പ്രൊ ഡിപ്ലോമ ലൈസൻസ് നേടി. പ്രൊ ഡിപ്ലോമ നേടുന്ന രണ്ടാമത്തെ മലയാളി പരിശീലകൻ മാത്രമാണ് ടി ജി പുരുഷോത്തമൻ. കഴിഞ്ഞ വർഷം ജൂലൈ മുതൽ കേരള ബ്ലാസ്റ്റേഴ്സ് സീനിയർ ടീമിന്റെ അസിസ്റ്റന്റ് കോച്ചായി ടി ജി പ്രവർത്തിക്കുന്നുണ്ട്.
കേരള ബ്ലാസ്റ്റേഴ്സിന്റെ യൂത്ത് സിസ്റ്റത്തിനൊപ്പം മുമ്പ് ടി ജി പുരുഷോത്തമൻ പ്രവർത്തിച്ചിട്ടുണ്ട്. 2021ൽ കേരള ബ്ലാസ്റ്റേഴ്സിൽ എത്തുന്നത് വരെ എഫ് സി കേരളയ്ക്ക് ഒപ്പം ആയിരുന്നു. കേരള സന്തോഷ് ട്രോഫി ടീമിന്റെ സഹ പരിശീലകനായും അദ്ദേഹം പ്രവർത്തിച്ചിട്ടുണ്ട്. മുമ്പ് കേരളത്തിനൊപ്പം സന്തോഷ് ട്രോഫി കിരീടം നേടിയിട്ടുള്ള ഗോൾ കീപ്പർ ആണ് പുരുഷോത്തമൻ.