കേരള ബ്ലാസ്റ്റേഴ്സിന്റെ പ്രീസീസൺ ടൂർ സെപ്റ്റംബർ 3 മുതൽ ആരംഭിക്കും. പ്രവാസി മലയാളികൾക്ക് സന്തോഷം നൽകുന്ന സ്ഥലത്തേക്കാണ് ഇത്തവണ ബ്ലാസ്റ്റേഴ്സിന്റെ പ്രീസീസൺ ടൂർ. ഇത്തവണ കേരള ബ്ലാസ്റ്റേഴ്സ് പ്രീസീസൺ ടൂറിനായി തിരഞ്ഞെടുക്കുന്നത് യു എ ഇ ആയിരിക്കും. യു എ ഇയിലെ ഷാർജയിലായിരിക്കും ഇത്തവണ പ്രീസീസൺ പരിശീലനവും മത്സരങ്ങളും നടക്കുക.
യു എ ഇയിലെ പ്രമുഖ ക്ലബുകളുമായി തന്നെ കേരള ബ്ലാസ്റ്റേഴ്സ് അവിടെ കളിക്കും. സെപ്റ്റംബർ 28വരെ പ്രീസീസൺ നീണ്ടു നിൽക്കുൻ. പുതുതായി ടീമിനൊപ്പം എത്തിയ പരിശീലകൻ ഈൽകോ ഷറ്റോരിയേയും പുതിയ താരങ്ങളെ മഞ്ഞ ജേഴ്സിയിൽ ആദ്യമായി കാണുക ഈ സൗഹൃദ മത്സരങ്ങളിൽ ആകും. പുതിയ സൈനിംഗുകളായ ഒഗ്ബചെ, സിഡോഞ്ച, ആർകസ്, സുയിവർലൂൺ, മൗസ്തഫ എന്നിവരൊക്കെ പ്രീസീസൺ ക്യാമ്പിൽ കേരള ബ്ലാസ്റ്റേഴ്സിനൊപ്പം ഉണ്ടാകും. കഴിഞ്ഞ സീസണിലെ നിരാശ മാറ്റാൻ വേണ്ടി ശക്തമായ രീതിയിൽ തന്നെയാണ് കേരള ബ്ലാസ്റ്റേഴ്സ് ഇത്തവണ ഒരുങ്ങുന്നത്.