മോഹൻ ബഗാൻ പുതിയ പരിശീലകനായി മൊളീനയെ എത്തിച്ചു. മുമ്പ് എ ടി കെ കൊൽക്കത്ത ആയിരുന്നപ്പോൾ ഇതേ ടീമിനെ കിരീടത്തിലേക്ക് എത്തിച്ചിട്ടുള്ള പരിശീലകൻ ആണ് മൊളീന. എ ടി കെ കൊൽക്കത്ത വിട്ട ശേഷം സ്പാനിഷ് ഫുട്ബോൾ ഫെഡറേഷന്റെ തലപ്പത്ത് എത്തിയിരുന്നു. സ്പാനിഷ് ഫുട്ബോൾ ഫെഡറേഷന്റെ സ്പോർടിംഗ് ഡയറക്ടറായി പ്രവർത്തിച്ചിട്ടുള്ള വ്യക്തിയാണ് മൊളീന.
2016ൽ ആയിരുന്നു മൊളീന എടികെ കൊൽക്കത്തയുടെ പരിശീലക വേഷം അണിഞ്ഞത്. അന്ന് എടികെയെ ഐ എസ് എൽ ചാമ്പ്യന്മാരാക്കാനും അദ്ദേഹത്തിന് ആയിരുന്നു. കേരള ബ്ലാസ്റ്റേഴ്സിനെ ആയിരുന്നു മൊളീന അന്ന് ഫൈനലിൽ തോൽപ്പിച്ചത്. മുമ്പ് വിയ്യാറയലിന്റെ പരിശീലക സ്ഥാനവും അദ്ദേഹം വഹിച്ചിരുന്നു. മുൻ സ്പാനിഷ് ഇന്റർനാഷണൽ താരം കൂടിയായ മൊളീന അത്ലറ്റിക്കോ മാഡ്രിഡിനായി 180ൽ അധികം മത്സരങ്ങളും കളിച്ചിട്ടുണ്ട്