പ്രതിരോധ നിരക്കാരൻ റോബിൻ ഗുരുങ്ങ് ജംഷദ്പൂർ എഫ് സിയുമായി കരാർ പുതുക്കി. ഒരു വർഷത്തേക്കാണ് റോബിന്റെ പുതിയ കരാർ. രണ്ട് വർഷം മുമ്പ് ഡ്രാഫ്റ്റിലൂടെ ആയിരുന്നു റോബിനെ ജംഷദ്പൂർ എഫ് സി സ്വന്തമാക്കിയിരുന്നത്. ആദ്യ സീസണിൽ അധികാം അവസരം ലഭിക്കാതിരുന്ന ഗുരുങ് ഈ സീസണിൽ മികച്ച പ്രകടനം ഐ എസ് എല്ലിൽ നടത്തി.
ലെഫ്റ്റ് ബാക്കായും റൈറ്റ് ബാക്കായും തിളങ്ങുന്ന ഗുരുങ് ഈ സീസണിൽ 13 മത്സരങ്ങൾ ജംഷദ്പൂരിനായി കളിച്ചു. സിക്കിം സ്വദേശിയായ താരം മുമ്പ് ഐ എസ് എല്ലിൽ നോർത്ത് ഈസ്റ്റ് യുണൈറ്റഡ് കളിക്കാരനായിരുന്നു. ഐ എസ് എല്ലിൽ ഇതുവരെ 37 മത്സരങ്ങൾ ഗുരുങ് കളിച്ചിട്ടുണ്ട്. ഐ ലീഗിൽ ഈസ്റ്റ് ബംഗാൾ ഡിഫൻസിലും കളിച്ചിട്ടുണ്ട്.