പ്ലേ ഓഫ് സ്വപ്നം കണ്ട് ജാംഷഡ്പൂർ നോർത്ത് ഈസ്റ്റ് യൂണൈറ്റഡിനെതിരെ

shameer

Download the Fanport app now!
Appstore Badge
Google Play Badge 1

ഐ.എസ്.എല്ലിൽ ഇന്ന് ജാംഷഡ്പൂർ – നോർത്ത് ഈസ്റ്റ് യുണൈറ്റഡ് പോരാട്ടം. ജാംഷഡ്പൂരിന്റെ സ്വന്തം ഗ്രൗണ്ടായ ജെ.ആർ.ഡി ടാറ്റ സ്പോർട്സ് കോംപ്ലക്സിൽ വെച്ചാണ് മത്സരം.

കഴിഞ്ഞ അഞ്ചു മത്സരങ്ങളിൽ നിന്ന് നാലും ജയിച്ചാണ് ജാംഷഡ്പൂർ ഇന്ന് ഇറങ്ങുന്നത്. പോയിന്റ് പട്ടികയിൽ നാലാം സ്ഥാനത്തുള്ള ജാംഷഡ്പൂരിനു ഇന്ന് ജയിച്ചാൽ പ്ലേ ഓഫ് സാധ്യതകൾ സജീവമാക്കാം. അവസാന രണ്ടു മത്സരത്തിൽ എ.ടി.കെയേയും മുംബൈ സിറ്റിയെയും തോൽപ്പിച്ചതിന്റെ ആത്മവിശ്വാസത്തിലാണ് ജാംഷഡ്പൂർ ഇറങ്ങുന്നത്.

അതെ സമയം കഴിഞ്ഞ മൂന്ന് മത്സരങ്ങളിൽ വിജയമറിയാതെയാണ് നോർത്ത് ഈസ്റ്റ് യുണൈറ്റഡ് ഇന്നത്തെ മത്സരത്തിനിറങ്ങുന്നത്. പോയിന്റ് പട്ടികയിൽ ഒൻപതാം സ്ഥാനത്തുള്ള നോർത്ത് ഈസ്റ്റിനു പ്ലേ ഓഫ് പ്രതീക്ഷകൾ അസ്തമിച്ച മട്ടാണ്. കഴിഞ്ഞ മത്സരത്തിൽ പുറത്തിരുന്ന ട്രിനിഡാഡെ ഗോൺസാൽവസും ബെൽഫോർട്ടും നോർത്ത് ഈസ്റ്റ് ടീമിൽ ഇന്ന്  ഇടം പിടിക്കും.

കൂടുതൽ കായിക വാർത്തകൾക്ക് : www.facebook.com/FanportOfficial