ഇന്ത്യൻ സൂപ്പർ ലീഗിന്റെ ചരിത്രത്തിലെ ഏറ്റവും വേഗമേറിയ ഗോളുമായി ജംഷഡ്‌പൂരിന്റെ ജെറി. കേരളം ബ്ലാസ്റ്റേഴ്‌സിനെതിരായ മത്സരത്തിലാണ് ജംഷഡ്‌പൂരിനു വേണ്ടി ജെറി 22 ആം സെക്കന്റിൽ ഗോൾ നേടിയത്. JRD ടാറ്റ സ്പോർട്സ് കോംപ്ലെക്സിനെ ഇളക്കി മറിച്ചു കൊണ്ടാണ് ജെറിയുടെ ഗോൾ പിറന്നത്. തുടക്കത്തിൽ തന്നെ ആക്രമിച്ച് കളിച്ച ജംഷഡ്‌പൂർ ആഷിം ബിശ്വാസിന്റെ ഷോട്ട് പിഴച്ചപ്പോൾ യഥാസമയത്തുള്ള ജെറിയുടെ ഇടപെടലാണ്‌ വേഗതയേറിയ ഗോളിന് കളമൊരുക്കിക്കിയത്. പോളേട്ടനെ വെട്ടിച്ച് കേരള ബ്ലാസ്റ്റേഴ്‌സിന്റെ വലകുലുക്കാൻ മിസോറാംകാരനായ ജെറിക്ക് അധികം സമയമെടുക്കേണ്ടി വന്നില്ല
22 seconds! That's all it took Jerry to get his name on the scoresheet! It's the fastest goal in #HeroISL history! #LetsFootball #JAMKER https://t.co/h5DozJ2UDO pic.twitter.com/CYL6SVP0Hr
— Indian Super League (@IndSuperLeague) January 17, 2018
ഇരുപത്കാരനായ ജെറി DSK ശിവജിൻസ്‌ അക്കാദമിയിലൂടെയാണ് കളിയാരംഭിക്കുന്നത്. കഴിഞ്ഞ സീസണിൽ ശിവജിയൻസിൽ നിന്നും ലോണിൽ നോർത്ത് ഈസ്റ് എഫ്‌സിക്ക് വേണ്ടി ഇന്ത്യൻ സൂപ്പർ ലീഗിൽ ജെറി കളിച്ചിരുന്നു. ഈ സീസണിലാണ് ജംഷഡ്‌പൂർ എഫ്‌സിക്ക് വേണ്ടി ജെറിയിറങ്ങുന്നത്. ഇതിനു മുൻപ് ഇന്ത്യൻ സൂപ്പർ ലീഗിലെ വേഗമേറിയ ഗോൾ മുൻ ബ്ലാസ്റ്റേഴ്‌സ് താരം ക്രിസ് ദഗ്നാലിന്റെ 29 ആം സെക്കന്റിലെ ഗോളായിരുന്നു. 2015 ലെ നോർത്ത്ഈസ്റ്റിനെതിരായ ആ ഗോളാണ് ജെറി ഇന്ന് പഴങ്കഥയാക്കിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
