ഐ എസ് എല്ലിൽ ഇന്ന് കനത്ത പോരാട്ടമാണ്. നിലവിലെ ഐ എസ് എൽ ചാമ്പ്യന്മാരായ എ ടി കെ മോഹൻ ബഗാനും നിലവിലെ ഐ എസ് എൽ ലീഗ് ചാമ്പ്യന്മാരായ എഫ് സി ഗോവയുമാണ് ഇന്ന് നേർക്കുനേർ വരുന്നത്. വിജയിച്ച് ഒന്നാം സ്ഥാനത്തോട് അടുക്കുകയാണ് രണ്ട് ടീമുകളുടെയും ലക്ഷ്യം. അവസാന രണ്ടു മത്സരങ്ങളിലും വിജയിക്കാൻ കഴിയാതിരുന്ന എ ടി കെ ഇന്ന് വിജയിച്ചാൽ പോയിന്റ് നിലയിൽ ഒന്നാമതുള്ള മുംബൈ സിറ്റിക്ക് ഒപ്പം എത്താം.
എഫ് സി ഗോവ അവസാന രണ്ടു മത്സരങ്ങളിൽ വിജയിച്ച് ഗംഭീര ഫോമിലാണ്. അവരുടെ സ്ട്രൈക്കറായ അംഗുളോയുടെ ഫോമിൽ തന്നെയാകും ക്ലബിന്റെ പ്രതീക്ഷ. ഡിഫൻസാണ് മോഹൻ ബഗാന്റെ കരുത്ത്. ഇതുവരെ ഈ സീസണിൽ ഓപ്പൺ പ്ലേയിൽ നിന്ന് മോഹൻ ബഗാൻ ഗോൾ വഴങ്ങിയിട്ടില്ല. എന്നാൽ ഗോളടിക്കാൻ കൂടുതൽ റോയ് കൃഷണയെ ആശ്രയിക്കേണ്ടി വരുന്നത് പ്രശ്നമാകുന്നു. ഇന്ത്യൻ യുവതാരം മൻവീർ ഫോമിലേക്ക് ഉയരുന്നത് അവർക്ക് പ്രതീക്ഷ നൽകുന്നുണ്ട്. ഇന്ന് രാത്രി 7.30നണ് മത്സരം നടക്കുക.