കൗകോയ്ക്ക് പകരക്കാരനെ കണ്ടെത്താനുള്ള എ ടി കെ മോഹൻ ബഗാന്റെ ശ്രമങ്ങൾ ഇപ്പോൾ ഫെഡെറികോ ഗയേഹോയിൽ എത്തിയിരിക്കുകയാണ്. 32കാരനായ ഉറുഗ്വേ മിഡ്ഫീൽഡർ മുമ്പ് നോർത്ത് ഈസ്റ്റിനായി തകർപ്പൻ പ്രകടനങ്ങൾ കാഴ്ചവെച്ചിട്ടുണ്ട്. ഗയേഹോയുമായി മോഹൻ ബഗാൻ കരാറിൽ എത്തിയതായി IFTWC റിപ്പോർട്ട് ചെയ്യുന്നു.
ഗയേഹോ ഐ എസ് എല്ലിൽ 47 മത്സരങ്ങൾ നോർത്ത് ഈസ്റ്റിനായി കളിച്ചിട്ടുണ്ട്. 12 അസിസ്റ്റുകളും 9 ഗോളുകളും താരം നേടി. പരിക്ക് കാരണം പലപ്പോഴും പുറത്ത് ഇരിക്കേണ്ടി വന്ന ഗയേഹോ അവസാന സീസണുകളിൽ അത്ര മികവിൽ ആയിരുന്നില്ല. നോർത്ത് ഈസ്റ്റ് 18-19 സീസണിലും 20-21 സീസണിലും പ്ലേ ഓഫിൽ എത്തിയപ്പോൾ ഗയേഹോ ടീമിന്റെ ഭാഗമായിരുന്നു.
https://iftwc.com/isl-atk-mohun-bagan-signs-federico-gallego/