മോഹൻ ബഗാൻ പരിശീലകൻ ഹുവാൻ ഫെറാൻഡോയെ ക്ലബ് പുറത്താക്കി. MBSG മാനേജ്മെന്റ് സ്പാനിഷ് ഹെഡ് കോച്ചുമായി പിരിഞ്ഞതായി ക്ലബ് ഔദ്യോഗികമായി അറിയിച്ചു. അന്റോണിയോ ഹബാസ് പകരം പരിശീലകനായി എത്തും എന്നും ക്ലബ് അറിയിച്ചു. ലീഗിൽ ഇപ്പോൾ അഞ്ചാം സ്ഥാനത്തുള്ള മോഹൻ ബഗാൻ കിരീടത്തിൽ നിന്ന് അകലുന്ന സാഹചര്യത്തിലാണ് ഇങ്ങനെ ഒരു നടപടി.
എഎഫ്സി കപ്പിൽ നിന്നും മോഹൻ ബഗാം പുറത്തായിരുന്നു. ക്ലബിന്റെ മുൻ മാനേജർ ആയ അന്റോണിയോ ലോപ്പസ് ഹബാസ് സ്പെയിൻകാരന് പകരക്കാരനായി ഉടൻ പ്രതീക്ഷിക്കുന്നു. 2021ൽ ഹബാസ് ക്ലബ് വിട്ടപ്പോൾ ആയിരുന്നു ഫെറാൻഡോ ചുമതലയേറ്റത്.
മുമ്പ് 2020-21 സീസണിലും 2021-22 സീസണിന്റെ ആദ്യ പകുതിയിലും അദ്ദേഹം ടീമിനെ കൈകാര്യം ചെയ്തിട്ടുണ്ട്. 2014-2016 വരെയും 2019-20 കാമ്പെയ്നിലും എടികെയിൽ ഹബാസ് ഉണ്ടായിരുന്നു.