എടികെ മോഹൻ ബഗാൻ യുവ മിഡ്ഫീൽഡർ ലാൽരിയാൻലിയ നാംതെയെ സ്വന്തമാക്കി. ചിരവൈരികളായ എസ്സി ഈസ്റ്റ് ബംഗാളിൽ നിന്നാണ് താരം ബഗാനിൽ എത്തുന്നത്. രണ്ട് വർഷത്തേക്കുള്ള കരാർ താരം ഒപ്പുവെച്ചു. ബഗാന്റെ പുതിയ സീസണിലേക്കുള്ള ആദ്യ സൈനിംഗ് ആണിത്.
2016-ൽ പൂനെ സിറ്റി എഫ്സി അണ്ടർ 18 ടീമിൽ ചേർന്ന താരം 2018 ലെ ഐ-ലീഗ് അണ്ടർ 18-ൽ കളിച്ചിരുന്നു. പിന്നീട് ഹൈദരാബാദ് റിസർവ്സ് ടീമിനായും താരം കളിച്ചു. കഴിഞ്ഞ സീസണ് മുമ്പാണ് ഈസ്റ്റ് ബംഗാളിൽ താരം എത്തിയത്.