കേരള ബ്ലാസ്റ്റേഴ്സിന്റെ ലെഫ്റ്റ് ബാക്കായിരുന്ന ധനചന്ദ്രെ മീതെ ഇനി റൗണ്ട്ഗ്ലാസ് പഞ്ചാബ് എഫ് സിക്ക് ഒപ്പം. ഐ എസ് എല്ലിലേക്ക് പ്രൊമോഷൻ നേടി എത്തിയ പഞ്ചാബ് എഫ് സി ധനചന്ദ്രെയെ സ്വന്തമാക്കിയതായി Khel Now റിപ്പോർട്ട് ചെയ്യുന്നു. താരത്തിന്റെ കരാർ അവസാനിച്ചതോടെയായിരുന്നു മീതെ കഴിഞ്ഞ മാസത്തോടെ ക്ലബ് വിട്ടത്.
അവസാന സീസണിൽ ലോണിൽ ഒഡീഷ എഫ് സിയിൽ ആയിരുന്നു താരം കളിച്ചത്. മൂന്ന് സീസൺ മുമ്പ് ട്രാവുവിൽ നിന്ന് ആയിരുന്നു ധനചന്ദ്ര മീതെ കേരള ബ്ലാസ്റ്റേഴ്സിൽ എത്തിയത്. 29കാരനായ ധനചന്ദ്ര കഴിഞ്ഞ 3 സീസണിൽ ആയി ആകെ 9 മത്സരങ്ങളിൽ മാത്രമേ കേരള ബ്ലാസ്റ്റേഴ്സിനായി ഇറങ്ങിയിരുന്നുള്ളൂ. മുമ്പ് നെരോക എഫ് സിയിലും അതിനു മുമ്പ് ഗോവൻ ക്ലബായ ചർച്ചിൽ ബ്രദേഴ്സിലും താരം കളിച്ചിട്ടുണ്ട്. പൂനെ എഫ് സിയുടെ അക്കാദമിയിലൂടെ വളർന്നു വന്ന താരമാണ് ധനചന്ദ്ര.