രണ്ടു വിദേശ താരങ്ങളെ സ്വന്തമാക്കി ഡൽഹി ഡൈനാമോസ്

ഒരു ദിവസം തന്നെ രണ്ടു വിദേശ താരങ്ങളെ സ്വന്തമാക്കി ഡൽഹി ഡൈനാമോസ്. ബാഴ്‌സലോണ അക്കാദമി താരമായിരുന്ന അഡ്രിയ കർമോണയും ഡച്ച് പ്രതിരോധ താരം ജിയാനി സുയിവർലൂണിനെയുമാണ് ഡൽഹി സ്വന്തമാക്കിയത്.

26കാരനായ കർമോണ ബാഴ്‌സലോണ യൂത്ത് അക്കാദമിയിലൂടെയാണ് വളർന്ന് വന്നത്. താരം എ.സി മിലാന്റെ റിസർവ് ടീമിലും അംഗമായിരുന്നു. സ്പാനിഷ് അണ്ടർ 17 ടീമിന് വേണ്ടിയും താരം കളിച്ചിട്ടുണ്ട്. 31കാരനായ ഡച്ച് പ്രതിരോധ താരം ജിയാനി സുയിവർലൂൺ ഡൽഹി ഡൈനാമോസിൽ എത്തുന്നത് സ്പാനിഷ് ക്ലബായ കൾച്ചറൽ ലിയോണെസയിൽ നിന്നാണ്. വെസ്റ്റ് ബ്രോം, ഫെയെനൂഡ് മയ്യോർക്ക എന്നി ക്ലബുകൾക്ക് വേണ്ടി ബൂട്ട് കെട്ടിയിട്ടുള്ള താരമാണ് സുയിവർലൂൺ

ഇരുവരുടെയും വരവോടെ ഡൽഹിയുടെ ടീമിലെ വിദേശ താരങ്ങളുടെ എണ്ണം 7 ആയി.

Previous articleവെള്ളിയുമായി ശ്വേതയും വർഷയും, സെയിലിംഗിൽ ഇന്ത്യക്ക് മൂന്നു മെഡലുകൾ
Next articleകേരള താരങ്ങള്‍ക്ക് പിഴ, പിഴ മുഖ്യ മന്ത്രിയുടെ ദുരിതാശ്വാസ നിധിയിലേക്ക് അടയ്ക്കാനും നിര്‍ദ്ദേശം