സ്റ്റീഫൻ കോൺസ്റ്റന്റൈൻ ഈസ്റ്റ് ബംഗാൾ വിട്ടു. സൂപ്പർ കപ്പ് കഴിയുന്നതോടെ ഈസ്റ്റ് ബംഗാളും കോൺസ്റ്റന്റൈനും തമ്മിൽ പിരിയും എന്ന് നേരത്തെ ഉറപ്പായിരുന്നു. ഇന്ന് ഇതു സംബന്ധിച്ച് ഔദ്യോഗിക പ്രഖ്യാപനം വന്നു. . ഈ സീസൺ തുടക്കത്തിൽ ആയിരുന്നു കോൺസ്റ്റന്റൈൻ ഈസ്റ്റ് ബംഗാളിൽ എത്തിയത്. ഐ എസ് എൽ സീസണിൽ 20 മത്സരങ്ങളിൽ 13 മത്സരങ്ങളിലും ഈസ്റ്റ് ബംഗാൾ പരാജയപ്പെട്ടിരുന്നു. സൂപ്പർ കപ്പിലും അദ്ദേഹത്തിന് നേട്ടങ്ങൾ ഉണ്ടാക്കാൻ ആയില്ല.
ഈ സീസണിൽ ഒമ്പതാം സ്ഥാനത്ത് ആണ് ഈസ്റ്റ് ബംഗാൾ ഫിനിഷ് ചെയ്തത്. കോൺസ്റ്റന്റൈനെ പുറത്താക്കാൻ തീരുമാനിച്ച ഈസ്റ്റ് ബംഗാൾ പുതിയ പരിശീലകനായുള്ള അന്വേഷണം ആരംഭിച്ചിട്ടുണ്ട്. മുൻ ബെംഗളൂരു എഫ് സി പരിശീലകൻ കാർലസ് കദ്രതിനെ ആണ് പരിശീലകനായി എത്തിക്കാൻ ആണ് ഈസ്റ്റ് ബംഗാൾ മാനേജ്മെന്റ് ആഗ്രഹിക്കുന്നത്. ഈ ചർച്ചയിൽ ഈസ്റ്റ് ബംഗാൾ ഏറെ മുന്നിൽ ആണെന്നാണ് റിപ്പോർട്ടുകൾ.