സ്റ്റീഫൻ കോൺസ്റ്റന്റൈനെ ഈസ്റ്റ് ബംഗാൾ പുറത്താക്കും. സൂപ്പർ കപ്പ് കഴിയുന്നതോടെ ഈസ്റ്റ് ബംഗാളും കോൺസ്റ്റന്റൈനും തമ്മിൽ പിരിയും. സൂപ്പർ കപ്പിൽ കോൺസ്റ്റന്റൈൻ തന്നെയാകും ടീമിനെ നയിക്കുക. ഈ സീസൺ തുടക്കത്തിൽ ആയിരുന്നു കോൺസ്റ്റന്റൈൻ ഈസ്റ്റ് ബംഗാളിൽ എത്തിയത്‌. ഐ എസ് എൽ സീസണിൽ 20 മത്സരങ്ങളിൽ 13 മത്സരങ്ങളിലും ഈസ്റ്റ് ബംഗാൾ പരാജയപ്പെട്ടിരുന്നു.
ഈ സീസണിൽ ഒമ്പതാം സ്ഥാനത്ത് ആണ് ഈസ്റ്റ് ബംഗാൾ ഫിനിഷ് ചെയ്തത്. കോൺസ്റ്റന്റൈനെ പുറത്താക്കാൻ തീരുമാനിച്ച ഈസ്റ്റ് ബംഗാൾ പുതിയ പരിശീലകനായുള്ള അന്വേഷണം ആരംഭിച്ചിട്ടുണ്ട്. ഒഡീഷ എഫ് സി വിട്ട ജോസഫ് ഗൊംബാവുവിനെ പരിശീലകനായി എത്തിക്കാൻ ആണ് ഈസ്റ്റ് ബംഗാൾ മാനേജ്മെന്റ് ആഗ്രഹിക്കുന്നത്‌.
