ഛേത്രി എവിടേക്ക് പോകാൻ!! ബെംഗളൂരു എഫ് സിയിൽ പുതിയ കരാർ ഒപ്പുവെച്ച് ക്യാപ്റ്റൻ

Newsroom

Download the Fanport app now!
Appstore Badge
Google Play Badge 1

സുനിൽ ഛേത്രി ബെംഗളൂരു എഫ് സിയിൽ തന്നെ തുടരും. ബെംഗളൂരു എഫ് സിയുടെ ക്യാപ്റ്റൻ കൂടിയായ ഛേത്രി രണ്ടു വർഷത്തെ പുതിയ കരാർ ഒപ്പുവെച്ചതായി ബെംഗളൂരു എഫ് സി അറിയിച്ചു. 2013ൽ ബെംഗളൂരു എഫ് സിയിൽ എത്തിയ ഛേത്രി ഈ പുതിയ കരാർ അവസാനത്തോടെ ക്ലബിൽ പത്തു വർഷം പൂർത്തിയാക്കും. മനോഹരമായ വീഡിയോയിലൂടെയാണ് ഛേത്രി കരാർ പുതുക്കുന്നത് ബെംഗളൂരു എഫ് സി ഔദ്യോഗികമായി പ്രഖ്യാപിച്ചത്.

ഛേത്രി ബെംഗളൂരു ക്ലബ്ബിനായി ഇതുവരെ 203 മത്സരങ്ങളിൽ ജേഴ്സി അണിഞ്ഞിട്ടുണ്ട്, 101 ഗോളുകൾ താരം നീല ജേഴ്സിയിൽ നേടി. 36-കാരനായ താരം ദീർഘകാലമായി ക്ലബിന്റെ ക്യാപ്റ്റനുമാണ്. ബെംഗളൂരു എഫ്‌സിയിൽ രണ്ട് വർഷം കൂടി സൈൻ ഇൻ ചെയ്തതിൽ താൻ സന്തുഷ്ടനാണ് എന്നും ബെംഗളൂരു നഗരം ഇപ്പോൾ വീടാണ് എന്നും ഈ ക്ലബിലെ ആളുകൾ എനിക്ക് കുടുംബം പോലെയാണ് എന്നും സുനിൽ ഛേത്രി കരാർ ഒപ്പുവെച്ചു കൊണ്ട് പറഞ്ഞു.

ഛേത്രി 2013-ൽ ബെംഗളൂരുവിനെ ആദ്യ ലീഗ് കിരീടത്തിലേക്ക് നയിച്ചിരുന്നു. അതിനുശേഷം ക്ലബ്ബുമായി അഞ്ച് ട്രോഫികൾ കൂടി താരം നേടിയിട്ടുണ്ട്, ഫെഡറേഷൻ കപ്പ് (2015, 2017), ഇന്ത്യൻ സൂപ്പർ ലീഗ് (2018- 19), സൂപ്പർ കപ്പ് (2018) എന്നിവയാണ് ഛേത്രി ബെംഗളൂരുവിനൊപ്പം നേടിയ കിരീടങ്ങൾ.