ഇംഗ്ലീഷ് പരിശീലകൻ ഓവൻ കോയ്ല് ചെന്നൈയിൻ പരിശീലക സ്ഥാനം ഒഴിഞ്ഞു. 2023ൽ രണ്ടാം തവണ ചെന്നൈയിൻ പരിശീലകനായ കോയ്ലിനു കീഴിൽ ചെന്നൈയിന്റെ പ്രകടനങ്ങൾ മെച്ചപ്പെട്ടിരുന്നു. എന്നാൽ ലീഗിൽ അനിശ്ചിതാവസ്ഥ കണക്കിലെടുത്ത് അദ്ദേഹം പരിശീലക സ്ഥാനം ഒഴിയാൻ തീരുമാനിക്കുക ആയിരുന്നു.
2019ൽ ചെന്നൈയിന്റെ പരിശീലകൻ ആയി തന്നെ ആയിരുന്നു ഓവൻ കോയ്ല് ആദ്യമായി ഇന്ത്യയിൽ എത്തിയത്. അന്ന് ചെന്നൈയിനെ ഫൈനൽ വരെ എത്തിക്കാൻ അദ്ദേഹത്തിനായിരുന്നു.
പരിചയസമ്പന്നനായ ഹെഡ് കോച്ച് സ്കോട്ട്ലൻഡ്, ഇംഗ്ലണ്ട്, യുഎസ്എ എന്നിവിടങ്ങളിലും പരിശീലകനായി മുമ്പ് പ്രവർത്തിച്ചിട്ടുണ്ട്. ഇതിനു മുമ്പ് രണ്ട് സീസണുകളിൽ അദ്ദേഹം ജംഷഡ്പൂരിനെ പരിശീലിപ്പിക്കുകയും ജംഷഡ്പൂരിനെ അവരുടെ ആദ്യ കിരീടമായ ഇന്ത്യൻ സൂപ്പർ ലീഗ് ഷീൽഡിലേക്ക് നയിക്കുകയും ചെയ്തിരുന്നു.