എഫ്സി ഗോവയുടെ ക്യാപ്റ്റൻ ആയ ബ്രാണ്ടൺ ഫെർണാണ്ടസിനെ മുംബൈ സിറ്റി സ്വന്തമാക്കും. അടുത്ത സീസണിൽ ഫ്രീ ട്രാൻസ്ഫറിൽ ബ്രാണ്ടണെ സ്വന്തമാക്കാം മുംബൈ സിറ്റി ശ്രമിക്കുന്നതായി IFTWC ആണ് റിപ്പോർട്ട് ചെയ്യുന്നത്. ഈ സീസണോടെ ബ്രാണ്ടന്റെ ഗോവയിലെ കരാർ അവസാനിക്കുകയാണ്. മുംബൈ ഐ എസ് എല്ലിന്റെ 2015 സീസണിൽ ബ്രാണ്ടൻ മുംബൈ സിറ്റിക്ക് ആയി കളിച്ചിരുന്നു.
2017-18 സീസൺ മുതൽ ബ്രാൻഡൺ എഫ് സി ഗോവയ്ക്ക് ഒപ്പം ഉണ്ട്. ഗോവയ്ക്കായി 121 മത്സരങ്ങൾ ഐ എസ് എല്ലിൽ കളിച്ചു. 14 ഗോളുകളും 29 അസിസ്റ്റും ബ്രാണ്ടൺ സംഭാവന ചെയ്തിട്ടുണ്ട്. 2019ൽ ഹീറോ സൂപ്പർ കപ്പ്, 2019-20-ലെ ഹീറോ ഐഎസ്എൽ ലീഗ് വിന്നേഴ്സ് ഷീൽഡ്, 2021ൽ ഡ്യൂറൻഡ് കപ്പ് എന്നീ കിരീടങ്ങൾ ബ്രണ്ടൺ ഗോവക്ക് ഒപ്പം നേടിയിട്ടുണ്ട്.