ഇന്ത്യൻ സൂപ്പർ ലീഗ് പുനരാരംഭിക്കുന്നതിന് മുന്നോടിയായി സ്പാനിഷ് മിഡ്ഫീൽഡറായ ബോർഹ ഹെരേര ഗോവയിൽ എത്തും. താരത്തെ ലോണിൽ എഫ് സി ഗോവ സ്വന്തമാക്കിയതായി ഗോവ ഇന്ന് പ്രഖ്യാപിച്ചു. 30കാരനായ ബോർഹ ഹെരേരെ ഈ സീസൺ തുടക്കത്തിൽ ആയിരുന്നു ഹൈദരബാദിൽ നിന്ന് ഈസ്റ്റ് ബംഗാളിൽ എത്തിയത്.
കഴിഞ്ഞ സീസണിൽ ഹൈദരബാദിനായി 22 മത്സരങ്ങൾ ഐ എസ് എല്ലിൽ കളിച്ച താരം നാലു ഗോളുകൾ നേടുകയും 5 അസിസ്റ്റുകൾ സംഭാവന ചെയ്യുകയും ചെയ്തിരുന്നു. ആ മികവ് ഈസ്റ്റ് ബംഗാളിൽ ആവർത്തിച്ചില്ല. ഒരു വെർസറ്റൈൽ മധ്യനിരതാരമായ ഹെരേര സ്പെയിനിലെ വിവിധ ലീഗുകളിൽ കളിച്ച എക്സ്പീരിയൻസുമായാണ് ഐഎസ്എല്ലിലേക്ക് എത്തിയത്. മുമ്പ് ഇസ്രായേൽ ടീമായ മക്കാബി നതാന്യയിലും ഹെരേര കളിച്ചിട്ടുണ്ട്.